सिनेमाच्या रिलीज डेटवरुन थेट बिग बींवर साधला निशाणा; म्हणाली, 'मिस्टर बच्चन...' बॉलिवूड माफियांवर कंगनाचे ट्वीट व्हायरल

अभिनेत्री कंगना रणौत ट्विटरवर परतल्याने पुन्हा एकदा तिने बॉलिवूडवर निशाणा साधायला सुरुवात केली आहे.

Kangana Ranaut : अभिनेत्री कंगना रणौत ट्विटरवर परतल्याने पुन्हा एकदा तिने बॉलिवूडवर निशाणा साधायला सुरुवात केली आहे. कंगनाचे बेधडक ट्वीट नेहमीच चर्चेत असतात. काल रात्रीच कंगनाने चित्रपटाच्या रिलीज डेटवरुन बॉलिवूडच्या 'माफिया'वर निशाणा साधला आहे. माझा सिनेमा येणार हे कळताच बॉलिवूड माफियांमध्ये सिक्रेच मीटिंग्स सुरु आहेत असं तिने ट्वीटमध्ये म्हणले आहे. याद्वारे तिने थेट बिग बी यांचेही नाव घेतले आहे.

कंगनाचा आगामी 'इमर्जन्सी' हा सिनेमा रिलीज होण्यासाठी सज्ज आहे.यासाठी ती खूप उत्सुक आहे. मात्र चित्रपटाची रिलीज डेट अमिताभ बच्चन (Amitabh Bachchan), टायगर श्रॉफ (Tiger Shroff) यांच्या 'गणपत' (Ganpath) या सिनेमासोबत क्लॅश होत आहे. त्यामुळे आता कंगनाने तिच्या सिनेमाची रिलीज डेट ट्रेलर सहित केवळ एक महिना आधी जाहीर करेल असे सांगितले आहे.

कंगनाने ट्विटमध्ये लिहिले, 'इमर्जन्सी सिनेमासाठी मी रिलीज डेटचा विचार करत होते तेव्हा माझ्या लक्षात आले की यावर्षी अनेक तारखा रिकाम्या आहेत. कोणताच सिनेमा रिलीज होणार नाहीए. हिंदी फिल्म इंडस्ट्री सध्या वाईट काळातून जात असल्याने हे चित्र असू शकते. माझ्या प्रोडक्शन टाईमलाईननुसार मी इमर्जन्सी साठी २० ऑक्टोबर ही तारीख निवडली. यानंतर एकाच आठवड्यात टी सिरीजचे भूषण कुमार यांनी २० ऑक्टोबरलाच त्यांच्या चित्रपटाची रिलीज डेट ठेवली. संपूर्ण ऑक्टोबर, नोव्हेंबर, डिसेंबर अगदी सप्टेंबर महिना रिकामा असतानाही आज मिस्टर अमिताभ बच्चन आणि टायगर श्रॉफ यांनी २० ऑक्टोबरलाच त्यांच्या बिग बजेट प्रोजेक्टची घोषणा केली. हाहा..बॉलिवूड माफिया गॅंग्समध्ये बहुतेक सिक्रेट मीटिंग सुरु आहेत.'

ती पुढे म्हणाली, 'आता इमर्जन्सी ची रिलीज डेट मी ट्रेलरसहित एक महिना आधी जाहीर करेल. जेव्हा अख्खं वर्ष मोकळं आहे तर क्लॅश होण्याची गरजच काय आहे भाई? इंडस्ट्रीचा वाईट काळ आहे तरी इतकी दुर्बुद्धी. काय खाता यार तुम्ही, इतकी विध्वंसक वृत्ती कशी असू शकते?

When I was looking for a date for Emergency release I saw this year movie calendar is pretty much free, probably because of setbacks Hindi industry is having, based on my post production timelines I zeroed down on 20th October, with in a week T series owner Bhushan Kumar (cont)

— Kangana Ranaut (@KanganaTeam) February 22, 2023

Ganapath Teaser: ‘ये तो बवाल है...!’ टायगर श्रॉफच्या ‘गणपत’चा टीझर रिलीज, तुम्ही पाहिलात का?

कंगना रणौतचा 'इमर्जन्सी' हा सिनेमा पॉलिटिकल ड्रामा आहे. यामध्ये तिने माजी पंतप्रधान इंदिरा गांधी यांची भूमिका साकारली आहे. कंगनासाठी हा महत्वाचा प्रोजेक्ट आहे. तिने सिनेमासाठी सगळंच गहाण ठेवले असल्याचा खुलासा नुकताच केला आहे. या सिनेमात अनुपम खेर, मिलिंद सोमण, महिमा चौधरी आणि श्रेयस तळपदे यांच्याही भूमिका आहेत. सर्वांचे फर्स्ट लुक रिलीज झाले आहेत.