कंगनाने संरक्षण मंत्री राजनाथ सिंह यांची घेतली भेट, 'तेजस'च्या कामाला होणार सुरूवात

कंगना रणौतने तिच्या ट्विटर हॅंडलवर काही फोटो शेअर केले आहेत. ज्यात ती तिच्या टीमसोबत संरक्षण मंत्री राजनाथ सिंह यांच्यासोबत दिसत आहे.

बॉलिवूड अभिनेत्री कंगना रणौत आणि तिच्या टीमने आगामी 'तेजस' सिनेमाबाबत देशाचे संरक्षण मंत्री राजनाथ सिंह यांची भेट घेतली. तसेच कंगनाने आपल्या सिनेमासाठी त्यांच्याकडून आशीर्वाद घेतला आणि वायुसेनेकडूनही काही आवश्यक परवानग्या घेतल्याय. भेटीचे फोटो कंगनाने सोशल मीडियावर शेअर केले आहेत. 

कंगना रणौतने तिच्या ट्विटर हॅंडलवर काही फोटो शेअर केले आहेत. ज्यात ती तिच्या टीमसोबत संरक्षण मंत्री राजनाथ सिंह यांच्यासोबत दिसत आहे. त्यासोबतच कंगना रणौतने लिहिले की, 'आज संरक्षण मंत्री राजनाथ सिंह यांचा आशीर्वाद घेतला आणि 'तेजस' ची स्क्रीप्ट दिली. वायुसेनेसोबत सिनेमाची स्टोरी शेअर केली आणि आवश्कत त्या परवानग्या घेतल्या. जय हिंद'.

Today team #Tejas met honourable defence minister Shri @rajnathsingh ji for his blessings, we shared the script of our film Tejas with @IAF_MCC as well and seeked few permissions, Jai Hind 🙏 pic.twitter.com/7eoVN1Lidj

— Kangana Ranaut (@KanganaTeam) December 13, 2020

'तेजस'या आगामी सिनेमात कंगना रणौत एका फायटर पायलटच्या भूमिकेत दिसणार आहे. इंडियन एअरफोर्स २०१६ मध्ये महिलांना लढाऊ भूमिकेत सामिल करून घेणारी देशातील पहिली डिफेन्स फोर्स होती. सिनेमा याच ऐतिहासिक घटनेवर आधारित आहे. सिनेमां दिग्दर्शन सर्वेश मेवाडा करणार आहे.

दरम्यान कंगना रणौत 'तेजस'सोबत तामिळनाडुच्या दिवंगत मुख्यमंत्री जयललिता यांचा बायोपिक 'थलायवी'मध्ये दिसणार आहे. यात ती जयललिता यांची भूमिका साकारणार आहे. तसेच कंगना 'धाकड'मध्येही दिसणार आहे. पण या सिनेमाची शूटींग अजून सुरू झालेली नाही.