‘रंगून’मध्ये कंगनाचा शाहिद, सैफसोबत जबरदस्त रोमांस

विशाल भारद्वाज यांचा बहुप्रतीक्षित ‘रंगून’ हा सिनेमा येत्या २४ फेब्रुवारी रोजी रिलिज होत असून, सिनेमामध्ये अभिनेत्री कंगना राणौत हिचा शाहिद कपूर आणि सैफ अली खान यांच्यासोबत जबरदस्त रोमांस बघावयास मिळणार आहे. कंगनाने या दोघांसोबत दिलेले बोल्ड सीन सुरुवातीपासूनच चर्चेत असून, प्रेक्षकांना आता या सिनेमाची अक्षरश: आतुरता लागली आहे.
‘रंगून’ हा सिनेमा रिलिजच्या अगोदरच कंगना राणौत चर्चेत आली आहे. कारण सिनेमात तिची भूमिका अतिशय दमदार समजली जात असून, शाहिद आणि सैफसोबत तिने दिलेले इंटेंस सीन अनेकांची बोलती बंद करणारे आहेत. सिनेमात कंगनाने धाडसी जूलिया नावाची भूमिका साकारलेली आहे. जूलिया इंटरटेनरच्या भूमिकेत असल्याने, सिनेमात कंगनाचा डांन्सिग आणि सिंगिंगचा बिंदास अंदाज प्रेक्षकांना बघावयास मिळणार आहे. सिनेमात ती दोन पुरुषांवर प्रेम करीत असून, दोघांवरही ती फिदा असते शिवाय तिला यात काहीच वावगे वाटत नाही. हे दोन पुरुष म्हणजे सैफ अली खान आणि शाहिद कपूर होत. दोघांबरोबरची कंगनाची केमेस्ट्री बघण्यासारखी असून, आतापर्यंत एकाही सिनेमात बघण्यात आली नसेल अशी कंगना ‘रंगून’मध्ये प्रेक्षकांना बघावयास मिळणार आहे. वास्तविक कंगनाने सुरुवातीलाच १९४०च्या दशकातील जूलिया नावाच्या महिलेचे प्रोग्रेसिव्ह विचार आणि धाडसी असण्यावर आश्चर्य व्यक्त केले होते. त्याचबरोबर ४०च्या दशकात दोन पुरुषांबरोबर प्रेमसंबंध विचार करण्यापलीकडचे असल्याचे तिने म्हटले होते.
‘रंगून’ हा सिनेमा इंटेंसच्या अवतीभोवती फिरणारा पिरियड ड्रामा आहे. त्याची झलक ट्रेलरमध्ये बघावयास मिळालीच आहे. त्याशिवाय सिनेमातील ‘मेरे पिया गये इंग्लैंड’, ‘ब्लडी हैल’, ‘ये इश्क’ आणि ‘टिप्पा’ ही गाणी सध्या प्रेक्षकांची जबरदस्त मंनोरंजन करीत आहेत. त्रिकोणी प्रेम कथेवर आधारित असलेला हा सिनेमा ‘वर्ल्ड वॉर-२’च्या काळाचा विचार करून बनविला आहे. सिनेमाचे दिग्दर्शन विशाल भारद्वाज यांनी केले आहे. नाडियाडवाला ग्रॅण्डसन इंटरटेंमेंटच्या बॅनरखाली तयार झालेल्या या सिनेमाची वायाकॉम-१८ मोशन पिक्चर यांनी निर्मिती केली आहे.