कंगना राणावतला विद्याचा पाठिंबा

 

अभिनेता हृतिक रोशन आणि कंगना राणावत यांच्यामधील कायदेशीर लढाई प्रत्येक दिवशी नवं वळण घेत आहे.  हृतिक रोशन आणि कंगना राणावत दोघेही एकमेकांवर आरोप करत आहेत. एकीकडे हृतिक रोशन आपला कंगनाशी काहीच संबंध नसल्याचं सांगत आहे तर दुसरीकडे कंगना ह्रतिक खोटं बोलत असल्याचा दावा करत आहे.

 

 

 

कंगनाने हृतिकचा 'सिली एक्स' असा उल्लेख केल्यानंतर या कायदेशीर लढाईला सुरुवात झाली होती. कंगनाचे वकील रिझवान सिद्दीकी यांनीच हा फोटो व्हायरल केल्याचीदेखील चर्चा आहे. कंगनाची बहिण रंगोलीने हृतिकला 25 मे 2014 ला मेल पाठवून बनावट मेल आयडीची संयुक्त तक्रार करण्याच आवाहन केलं असतानादेखील हृतिकने तक्रार का केली नाही ? असा सवाल रिझवान सिद्दीकी यांनी उपस्थित केला आहे. 

 

ह्रतिकची बनावट ईमेलची तक्रार 

 

हृतिक रोशनचे वकिल दिपेश मेहता यांनी चौकशी करण्यासाठी अतिरिक्त पुरावे पोलिसांकडे दिलेले आहेत. साक्षीदार म्हणून कंगना राणावतची 30 एप्रिलला चौकशी करण्यात येणार असल्याची माहितीदेखील पोलिसांनी दिली आहे. दिपेश मेहता यांनी पोलिसांकडे दिलेल्या पुराव्यांमध्ये 40 ईमेल्सची माहिती दिली आहे. हे मेल कंगना राणावतने हृतिक रोशनच्या ख-या ईमेल-आयडीवर पाठवले होते. 24 मे 2014 नंतर हे मेल पाठवण्यात आले आहेत. 24 मार्चला ह्रतिकने बनावट ईमेल आयडीची तक्रार केली होती.