कपिल शर्माचा बॉक्स ऑफिसवर नविन विक्रम

लोकप्रिय कॉमेडीकिंग कपिल शर्माच्या बॉलिवूड पदार्पणाबाबत चाहत्यांमध्ये कमालीची उत्सुकता होती. पहिल्या दिवशी १० कोटींचा गल्ला जमवत कपिल शर्माने बॉक्स ऑफिसवर नविन विक्रम केला.

ऑनलाइन लोकमत
मुंबई, दि. २६ -  लोकप्रिय कॉमेडीकिंग कपिल शर्माच्या बॉलिवूड पदार्पणाबाबत चाहत्यांमध्ये कमालीची उत्सुकता होती. पहिल्या दिवशी १० कोटींचा गल्ला जमवत कपिल शर्माने बॉक्स ऑफिसवर नविन विक्रम केला. आणि आपले धडाक्यात आगमन केले. स्टुडंट ऑफ दि इअर चित्रपटाने पहिल्या दिवशी ७.५ कोटींची कमाई करत, पदार्पण करणाऱ्या अ‍ॅक्टर्सच्या चित्रपटाच्या पहिल्या दिवसाच्या सर्वाधिक कमाईचा विक्रम रचला होता, तो कपिल शर्माने मोडीत काढला आहे. त्याचबरोबर यावर्षी पहिल्या दिवशी बॉक्स ऑफिसवर सर्वाधीक कमाई करणाऱ्या चित्रपटात 'किस किस को प्यार करु' वेलकम बॅक, बजरंगी भाईजान, एबीसीडी२ नंतर चौथ्या क्रमांकावर आहे. त्याने तनु वेड्स मनू, ब्रदर्स यासारख्या चित्रपटांनाही मागे टाकले आहे.

गेल्या शुक्रवारी दोन स्टारपुत्र आदित्य पांचोली-अथिया शेट्टी यांच्या पदार्पणाचा 'हिरो' चित्रपटही प्रदर्शित झाला द हिरोने पहिल्या दिवशी फक्त ६ कोटींचीच कमाई केली. त्यामुळे पदार्पण करणाऱ्या कॉमेडीच्या बादशाहपुढे पदार्पण करणारे स्टारकिड्स फिके पडल्याचं चित्र निर्माण झालं आहे.
कपिलसोबत चित्रपटात अरबाज खान, मंजिरी फडणीस, एली अवराम, सिमरन कौर मुंडी, सुप्रिया पाठक यांच्या मुख्य भूमिका आहेत.