चाहत्यांच्या सल्ल्यानंतर कॉफी विथ करण सिझन 8’ बद्दल करण जौहरने घेतला मोठा निर्णय

नुकतेच ‘कॉफी विथ करण सिझन 8’ प्रेक्षकांच्या भेटीला आला. पण, यातच करण जोहरने शोबद्दल मोठा निर्णय घेतला आहे.

सुप्रसिद्ध बॉलिवूड दिग्दर्शक, निर्माता करण जोहर नेहमीच चर्चेत असतो. मग तो बॉलिवूडमधील घराणेशाहीवरून झालेला वाद असो किंवा ‘कॉफी विथ करण’ या शोमध्ये कलाकारांनी केलेली वक्तव्य असो. आता पुन्हा एकदा करण जोहर चर्चेत आहे.  ‘कॉफी विथ करण सिझन 8’  प्रेक्षकांच्या भेटीला आलं आहे. यावेळी करणने इम्पोस्टर गेम सेगमेंट सुरु केला होता. मात्र, चाहत्यांच्या सल्ल्यानंतर  करण जौहरने मोठा निर्णय घेतला आहे. 

करणने खुलासा केला आहे की इम्पोस्टर गेम सेगमेंट आता त्याच्या शोमधून काढून टाकण्यात आला आहे. आता अलीकडेच, लाइव्ह सत्रात करण जोहरने चाहत्यांशी संवाद साधला आणि त्यांच्या प्रश्नांना उत्तरे दिली. यावेळी चाहत्यांनी त्यांना 'इम्पोस्टर गेम सेगमेंट' आवडत नसल्याचं सांगितलं. या गेममध्ये, पाहुणे आणि होस्ट एका गाण्यावर नाचतात. स्टेप्सवरुन कुणाचा ट्रॅक हा इतरांपेक्षा वेगळा हे ओळखायचे असते. 

करण जोहर सात वर्षांनंतर रॉकी और रानी की प्रेम कहानी या चित्रपटातून दिग्दर्शनात परतला आहे. रणवीर सिंग आणि आलिया भट्ट यांची मुख्य भूमिका असलेला हा चित्रपट बॉक्स ऑफिसवर यशस्वी ठरला. प्रेक्षक 'कॉफी विथ करण सीझन 8' हे OTT प्लॅटफॉर्म Disney+ Hotstar वर पाहू शकतात.  या शोमध्ये पहिल्या भागात अभिनेत्री दीपिका पादुकोण आणि अभिनेता रणवीर सिंग हे बॉलिवूडमधलं पावर कपल पाहायला मिळाले. 

आता चाहत्यांच्या नजरा पुन्हा एकदा 'कॉफी विथ करण सीझन 8'च्या दुसऱ्या भागातकडे खिळल्या आहेत. शेवटचा सीझनही खूप मनोरंजक होता. जिथे सारा अली खान, जान्हवी कपूर, आलिया भट्ट, रणवीर सिंग, अक्षय कुमार, विजय देवरकोंडा, अनन्या पांडे आणि समंथा रुथ प्रभू यांच्यासह अनेक स्टार्स यामध्ये सहभागी झाले होते.