Kareena Kapoor : कोट्यावधीचं मानधन घेऊनही आजही स्ट्रगल करतेय करीना कपूर, म्हणते - "मी नवऱ्याच्या घरात..."

बॉलिवूडची बेबो म्हणजेच अभिनेत्री करीना कपूर खान (Kareena Kapoor Khan) सतत चर्चेत येत असते. नुकत्याच दिलेल्या एका मुलाखतीमुळे ती चर्चेत आलीय.

बॉलिवूडची बेबो म्हणजेच अभिनेत्री करीना कपूर खान (Kareena Kapoor Khan) बेधडक अंदाजासाठीही ओळखली जाते. तिने बॉलिवूडमध्ये दोन दशकं गाजवून आपलं स्थान कायम ठेवले आहे. दरम्यान, तिला एका मुलाखतीत १०  ते १५ कोटी रुपये फी घेणाऱ्या अभिनेत्रींमध्ये ती येते का, असा प्रश्न विचारण्यात आला. यावर तिने प्रतिक्रिया दिली आणि म्हणाली की चित्रपट करण्यासाठी पैशाला प्राधान्य देत नाही आणि तिने असेही सांगितले की ती संघर्ष करत आहे आणि तिचा पती सैफ अली खानच्या घरी राहत आहे.

'द वीक'ला नुकत्याच दिलेल्या मुलाखतीत करीना कपूर म्हणाली, मला आशा आहे आणि तशी इच्छा आहे. त्याचबरोबर तिने सांगितले की, ती पैशासाठी कोणताही चित्रपट निवडत नाही. पण भूमिका पाहून सिनेमाची निवड करते. ती पुढे म्हणाली, "हे माझ्या मूडवर अवलंबून आहे, चित्रपट काय आहे, मला कोणती भूमिका ऑफर करत आहे यावर अवलंबून आहे. मी त्या ठिकाणी आहे जिथे मी काम करू शकते.

"मी फक्त संघर्ष करत आहे"
आपल्या मानधनाबद्दल बोलताना, करीना म्हणाली की, जर हा एक मोठा व्यावसायिक चित्रपट असेल तर "तुम्ही जे म्हणता ते कमी आहे". जेव्हा अभिनेत्रीला विचारले गेले की तिच्याकडे "या इमारतीत आणि शेजारी किती अपार्टमेंट आहेत, ज्याला करीनाने विनोदी अंदाजात उत्तर दिले की हे तिच्या पतीचे घर आहे जिथे ती बसून मुलाखत देत आहे म्हणून "मी फक्त संघर्ष करत आहे".

वर्कफ्रंट
करिनाने शाहरुख खान, सलमान खान आणि आमिर खान यांसारख्या टॉप स्टार्ससोबत काम केले आहे. तर अलिकडेच तिचा क्रू चित्रपट प्रदर्शित झाला होता, ज्यामध्ये ती क्रिती सनॉन आणि तब्बूसोबत दिसली होती. या चित्रपटाने बॉक्स ऑफिसवर चांगली कमाई केली.