KGF-2: टांझानियातील तरुणावर KGF-2ची क्रेझ, यशच्या डायलॉगवर केले जबरदस्त लिपसिंक

Kili Paul Performance on KGF-2: प्रसिद्ध सोशल मीडिया स्टार किली पॉलने शेअर केलेला व्हिडिओ नेटकऱ्यांच्या पसंतीस उतरत आहे.

KGF Chapter 2: 14 एप्रिल रोजी केजीएफ(KGF Chapter 2) प्रदर्शित झाला. केजीएफचा पहिला पार्ट रिलीज झाल्यानंतर भारतात त्याची प्रचंड क्रेज पाहायला मिळाली होती. आता दुसऱ्या पार्टने भारतासह इतर देशांमध्ये लोकप्रियता मिळवली आहे. टांझानियामध्येही या चित्रपटाची जबरदस्त क्रेझ दिसतीये. सोशल मीडियावर लोकप्रिय असलेला टांझानियाच्या किली पॉलने या चित्रपटाच्या डायलॉगवर लिप-सिंक केलेला व्हिडिओ पोस्ट केला आहे.

टांझानियाचा किली पॉल सध्या भारतातही लोकप्रियता मिळवत आहे. तो अनेकदा त्याच्या इंस्टाग्राम अकाउंटवर भारतीय गाण्यांवर डान्स आणि लिप-सिंकचे व्हिडिओ पोस्ट करत असतो. त्याचे व्हिडिओ भारतात खूप पसंत केले जातात. या व्हिडिओंद्वारेच टांझानियाचा किली पॉल आज सोशल मीडियाचा स्टार बनला आहे.

View this post on Instagram

A post shared by Kili Paul (@kili_paul)

KGF-2 च्या डायलॉग्सवर बनवले रील
किली पॉलला बॉलीवूडसोबतच टॉलिवूडचेही चित्रपट आवडतात. तो दररोज टॉलिवूडमधील सुपरहिट गाण्यांवर लिप-सिंक करून व्हिडिओ शेअर करत असतो. आता त्याच्यावर केजीएफचे भूत चढले आहे. किली पॉलने या चित्रपटातील एक संवाद एका आगळ्यावेगळ्या शैलीत लिप सिंक केला आहे. त्याचा हा व्हिडिओ चांगलाच व्हायरल होत असून, त्यावर विविध प्रतिक्रियादेखील येत आहेत.

KGF-2 रिलीज
काल म्हणजेच 14 एप्रिल रोजी कन्नड सुपरस्टार यशचा केजीएफ-2 चित्रपट रिलीज झाला. पहिल्या पार्टच्या प्रचंड यशानंतर चाहते दुसऱ्या पार्टची आतुरतेने वाट पाहत होते. दुसऱ्या पार्टमध्ये अभिनेता यशसोबत संजय दत्त, रवीना टंडन, प्रकाश राज आणि श्रीनिधी प्रमुख भूमिकेत आहेत. प्रशांत नील याने या चित्रपटाचे दिग्दर्शन केले आहे.