Koffee With Karan 7 Ep 1: लग्नानंतरच्या पहिल्या रात्रीबद्दल हे काय बोलून गेली आलिया भट...! व्हिडीओ व्हायरल

Koffee With Karan 7 Ep 1: रणवीर व आलियाची धमाकेदार केमिस्ट्री हायलाईट करणारा ‘कॉफी विद करण 7’चा नवा प्रोमो समोर आला आहे आणि यात आलियाने लग्नानंतरच्या पहिल्या रात्रीचा किस्सा शेअर केला आहे.

करण जोहर (Karan Johar) होस्ट करत असलेला ‘कॉफी विद करण 7’  ( Koffee With Karan - Season 7) हा शो सुरू होतोय. उद्या 7 जुलैपासून   हा शो स्ट्रिम होतोय. साहजिकच शोची जोरदार चर्चा आहे. ‘कॉफी विद करण 7’चे पहिले गेस्ट असणार आहेत रॉकी आणि रानी. अर्थात रणवीर सिंग (Ranbir Kapoor) आणि आलिया भट (Alia Bhatt). रणवीर व आलियाची धमाकेदार केमिस्ट्री हायलाईट करणारा ‘कॉफी विद करण 7’चा नवा प्रोमो समोर आला आहे आणि यात आलियाने लग्नानंतरच्या पहिल्या रात्रीचा किस्सा शेअर केला आहे. लग्नानंतरच्या पहिल्या रात्रीबद्दल आलियाचा चांगलाच भ्रमनिरास झाला आहे. 

काय म्हणाली आलिया...?

प्रोमोमध्ये आलिया लग्नानंतरच्या पहिल्या रात्रीबद्दल बोलताना दिसतेय.  हा व्हिडीओ सोशल मीडियावर वेगाने व्हायरल होताना दिसत आहे. लग्नानंतरची पहिली रात्र कशी असते? असा प्रश्न करण जोहरने आलियाला विचारला आणि यावर आलिया भलतंच बोलून गेली. ‘लग्नानंतरची पहिली रात्र वगैरे असं काहीही नसतं. तुम्ही त्याक्षणी खूप थकलेले, दमलेले असता...,’ असं आलिया म्हणाली. तिचं हे उत्तर ऐकून करण व रणवीर दोघंही पोट धरुन हसू लागतात.  

 रणवीरचं वॉक आऊट..
तुझी बेस्ट ऑनस्क्रीन केमिस्ट्री कुणासोबत आहे रणवीर की वरूण धवन? असा प्रश्न करण आयिावर करतो. यावर आलियाने वरूणचं नाव घेतलं आणि तिथे बसलेला रणवीर नाराज झाला. तो शोमधून वॉकआऊट करताना दिसला. तू ना मैत्रीच्या नावावर कलंक आहेस, असं तो आलियाला म्हणाला. अर्थात हे सगळं मस्करीत सुरू होतं.

उद्यापासून ‘कॉफी विद करण 7’ डिस्नी प्लस हॉटस्टार या ओटीटी प्लॅटफॉर्मवर पाहता येणार आहे. कतरिना कैफ-विक्की कौशल देखील या शोमध्ये हजेरी लावणार आहेत. त्याचबरोबरीने बॉलिवूडच तिन्ही खान शाहरुख, सलमान आणि आमिर या शोसाठी एकत्र येणार असल्याची चर्चा आहे. साऊथचे अनेक बडे दिग्गज सुपरस्टारही या शोमध्ये हजेरी लावणार आहेत. यात सामंथा रूथ प्रभुचं देखील नाव आहे.