'गदर', 'कोई मिल गया'मध्ये काम केलेले सुप्रसिद्ध अभिनेते टोनी मिरचंदानी काळाच्या पडद्याआड
By ऑनलाइन लोकमत | Published: November 4, 2024 04:33 PM2024-11-04T16:33:00+5:302024-11-04T16:34:05+5:30
सुप्रसिद्ध बॉलिवूड सिनेमांमध्ये अभिनय केलेले लोकप्रिय अभिनेते टोनी मिरचंदानी यांचं निधन झालंय (tony mirchandani)
'गदर', 'कोई मिल गया'मध्ये काम केलेले सुप्रसिद्ध अभिनेते टोनी मिरचंदानी काळाच्या पडद्याआड
'गदर', 'मुसाफिर', 'कोई मिल गया' अशा लोकप्रिय सिनेमांमध्ये दिसलेले अभिनेते टोनी मिरचंदानी यांचं दुःखद निधन झालंय. आरोग्याशी संबंधित समस्यांमुळे टोनी यांनी अखेरचा श्वास घेतलाय. टोनी यांनी भारतीय मनोरंजन विश्वातील विविध सिनेमांमध्ये काम करुन लोकांच्या मनावर स्वतःची छाप पाडली. टोनी यांनी अनेक लोकप्रिय सिनेमांमध्ये आणि मालिकांमध्ये छोट्याश्या भूमिका साकारुन प्रेक्षकांच्या हृदयात स्वतःचं वेगळं स्थान निर्माण केलंय.
बॉलिवू़डमध्ये गाजलेल्या 'गदर' सिनेमात टोनी यांनी काम केलं. 'गदर' हा आजही एक क्लासिक सिनेमा म्हणून ओळखलं जातो. या सिनेमात टोनी यांनी साकारलेली भूमिका चांगलीच गाजली. पुढे हृतिक रोशनच्या गाजलेल्या 'कोई मिल गया' सिनेमात टोनी यांनी अभिनय केला. टोनी यांंच्या कुटुंबाने त्यांच्या निधनाची दुःखद वार्ता सोशल मीडियाच्या माध्यमातून सर्वांना सांगितली. याशिवाय त्यांच्या कुटुंबाने टोनी यांच्या निधनानंतर शोकसभेचं आयोजन केलं. टोनी यांच्या निधनामुळे त्यांच्या चाहत्यांनी हळहळ व्यक्त केलीय.