'...की माणसाचाच बाजार उठतो', कुशल बद्रिकेची 'ती' पोस्ट चर्चेत

Chala Hawa Yeu Dya Fame Kushal Badrike : अभिनेता कुशल बद्रिके छोट्या पडद्यावरील चला हवा येऊ द्या कार्यक्रमातून घराघरात पोहचला आहे.

छोट्या पडद्यावरील चला हवा येऊ द्या (Chala Hawa Yeu Dya) कार्यक्रमातून अभिनेता कुशल बद्रिके (Kushal Badrike) घराघरात पोहचला आहे. आपल्या विनोदी अभिनय कौशल्याने त्याने प्रेक्षकांच्या मनात घर केले. त्याच्या चाहत्यांच्या संख्येतही खूप वाढ झाली आहे. कुशल सोशल मीडियावर अॅक्टिव्ह असून तो फोटो आणि पोस्ट शेअर करत असते. दरम्यान आता त्याने इंस्टाग्रामवर शेअर पोस्ट चर्चेत आली आहे.

कुशल बद्रिकेने इंस्टाग्रामवर स्वतःचा फोटो शेअर करत लिहिले की, इन्व्हेस्टमेंट चुकली की लॉस होतोच , कधीकधी तर आपला मुद्दलमाल सुद्धा परत मिळत नाही. सगळं बाजारावर अवलंबून असते. Emotional investments ना सुद्धा हाच नियम लागू पडतो. फरक एवढाच आहे की इथे इन्व्हेस्टमेंट चुकली की माणसाचाच बाजार उठतो. (अपनेआपको पूरी सावधानी से invest करे!). कुशल बद्रिकेचे पोस्टला चाहत्यांची पसंती मिळताना दिसते आहे.

कुशल बद्रिकेच्या वर्कफ्रंटबद्दल सांगायचं तर ‘चला हवा येऊ द्या’च्या (Chala Hawa Yeu Dya) माध्यमातून तो घराघरात पोहोचला. या कार्यक्रमाव्यतिरिक्त त्याने अनेक चित्रपटांमध्येही काम केलं आहे. अलिकडेच तो पांडू या चित्रपटात झळकला होता. तसंच लवकरच तो 'जत्रा २' मध्येही महत्त्वपूर्ण भूमिका साकारणार आहे.