रात्री उशिरा कामावरुन घरी अन् सकाळी लवकर मतदान! एक मत देण्यासाठी सुबोध भावेचा फलटण-पुणे-फलटण प्रवास

अभिनेता सुबोध भावे (Subodh Bhave) याने मतदानाचा हक्क बजावला आहे आणि त्यानंतर आपल्या चाहत्यांना मतदानाचे आवाहन करणारी पोस्ट शेअर केली आहे.

महाराष्ट्र विधानसभा निवडणूक २०२४साठी (Maharashtra Assembly Election 2024) आज मतदान पार पडत आहे. संपूर्ण राज्यात एकाच टप्प्यात निवडणुका घेण्यात आहे. कलाकार आपल्या मतदानाचा हक्क बजावताना दिसत आहेत. त्यांचे फोटो आणि पोस्ट सोशल मीडियावर पाहायला मिळत आहे. दरम्यान आता अभिनेता सुबोध भावे (Subodh Bhave) याने मतदानाचा हक्क बजावला आहे आणि त्यानंतर आपल्या चाहत्यांना मतदानाचे आवाहन करणारी पोस्ट शेअर केली आहे.

सुबोध भावेने इंस्टाग्रामवर मतदान केल्यानंतरचा फोटो शेअर करत लिहिले की, सकाळपासूनच मतदान केंद्राबाहेर नागरिकांनी रांगा लावल्याचं पाहायला मिळत आहे. तर अनेक सेलिब्रिटींनीही मतदानाचा हक्क बजावला आहे. मी फलटणला शूट करतोय . काल रात्री उशिरा काम संपल्यावर पुण्यात पोहचलो. आज सकाळी सगळ्यात लवकर जाऊन मतदान केलं आणि पुन्हा फलटण ला शूटिंगसाठी पोहचलो. (सांगायचा उद्देश मी किती भारी, किंवा मतदान केलं म्हणजे काय उपकार केले का?किंवा किती पैसे मिळाले पोस्ट टाकायचे? अशा येणार्‍या उत्साहवर्धक प्रश्नांकडे दुर्लक्ष करून....) आपल्या सर्वांना नम्र विनंती करण्यासाठी ही पोस्ट. आज संध्याकाळी ६ वाजेपर्यंत मतदानाची मुदत आहे. न विसरता मतदान करा. जय हिंद, जय महाराष्ट्र.

अभिनेत्याचं होतंय कौतुक
सोशल मीडियावरील सुबोध भावेच्या पोस्टवर चाहते लाइक्स आणि कमेंट्सचा वर्षाव करत आहेत. एकाने लिहिले की, दादा तू ग्रेट आहे आपले काम आणि सामाजिक जबाबदारी तितक्याच ताकदीने सांभाळत असतोस. दुसऱ्या युजरने म्हटले की, दादा राष्ट्रहित सर्वतोपरी...बाकी दुर्लक्ष करणेच योग्य. आणखी एकाने लिहिले की, एवढ्या व्यस्त शेड्युल असताना सुद्धा तुम्ही मतदान केले. ग्रेट सर. 

वर्कफ्रंट
सुबोध भावे सध्या सोनी मराठी वाहिनीवरील तू भेटशी नव्याने या मालिकेत काम करताना दिसत आहे. या मालिकेला प्रेक्षकांचा चांगला प्रतिसाद मिळताना दिसतो आहे. याशिवाय लवकरच सुबोधचा मानापमान हा चित्रपट प्रेक्षकांच्या भेटीला येणार आहे. या चित्रपटाचे दिग्दर्शन सुबोधने केले आहे. यात त्याच्यासोबत अभिनेत्री वैदही परशुरामी मुख्य भूमिकेत दिसणार आहे.