"शेवटचे काही दिवस..." मिलींद गवळींनी शेअर केला 'आई कुठे...' च्या सेटवरील भावनिक व्हिडीओ 

अभिनेते मिलींद गवळी यांनी 'आई कुठे काय करते' मालिकेच्या सेटवरील एक व्हिडीओ शेअर केला आहे.

Milind Gawali: छोट्या पडद्यावर कायमच मालिकांची रेलचेल सुरू असते. पण, त्यातील काही मोजक्याच मालिका असतात ज्या प्रेक्षकांच्या मनाचा ठाव घेतात. त्यातीलच एक म्हणजे 'आई कुठे काय करते' (Aai Kuthe kay karte)ही मालिका. 'आई कुठे काय करते' या मालिकेला प्रेक्षकांनी भरभरून प्रेम दिलं. असं असलं तरी मालिकेप्रमाने त्यातील पात्र म्हणजेच अरुंधती, अनिरुद्ध तसेच संजना, ईशा, अप्पा यांनी आपल्या अभिनयाचा ठसा प्रेक्षकांच्या मनावर राज्य केलं. लवकरच ही मालिका निरोप घेणार आहे. त्यामुळे चाहत्यांमध्येही नाराजीचं वातावरण आहे. अशातच अनिरुद्ध म्हणजेच अभिनेते मिलींद गवळी (Milind Gawali) यांनी शेअर केलेल्या एका व्हिडीओने लक्ष वेधलं आहे. 

नुकताच अभिनेते मिलींद गवळी यांनी सोशल मीडियावर एक व्हिडीओ शेअर केला आहे.  हा व्हिडीओ 'आई कुठे काय...' च्या सेटवरील असल्याचं कळतंय. मालिका संपणार असल्याने मिलींद गवळी भावुक झाल्याचे पाहायला मिळत आहेत. या मालिकेत त्यांनी अनिरुद्ध देशमुख हे पात्र साकारून प्रेक्षकांच्या मनावर अधिराज्य गाजवलं. दरम्यान, इन्स्टाग्रामवर व्हिडीओ पोस्ट करत त्यांनी लिहलंय, "आई कुठे काय करते' शुटिंग करतानाचे शेवटचे काही दिवस" असं म्हणत त्यांनी व्हिडीओ पोस्ट केला आहे. या व्हिडीओच्या बॅकग्राउंडला त्यांनी 'आ अब लौट चले' हे गाणं लावलंय त्यामुळे चाहते देखील भावुक झाल्याचं चित्र आहे. 

'आई कुठे काय करते' ही छोट्या पडद्यावरील अतिशय लोकप्रिय मालिका आहे. सलग ५ वर्ष प्रेक्षकांचं मनोरंजन केल्यानंतर आता ही मालिका निरोप घेत आहे. त्यामुळे प्रेक्षकही मालिकेला त्यातील पात्रांना नक्कीच मिस करणार.