मराठी सिनेइंडस्ट्रीतील शिवानी रांगोळे आणि विराजस कुलकर्णीनं गुपचूप बांधली लग्नगाठ?, व्हिडीओ होतोय व्हायरल

Shivani Rangole and Virajas Kulkarni wedding video goes viral : शिवानी रांगोळे आणि विराजस कुलकर्णी यांच्या लग्नाचा व्हिडीओ सोशल मीडियावर व्हायरल होताना दिसत आहे.

गेल्या काही दिवसांपासून मराठी सिनेइंडस्ट्रीतील प्रसिद्ध जोडपे शिवानी रांगोळे (Shivani Rangole) आणि विराजस कुलकर्णी (Virajas Kulkarni) यांच्या लग्नाबद्दलची चर्चा ऐकायला मिळते आहे. काही दिवसांपूर्वी त्यांची रिंग सेरेमनी पार पडली. याबद्दल त्यांनी फोटो सोशल मीडियावर शेअर करून चाहत्यांना सांगितले होते. त्यामुळे त्यांचे चाहते ते लग्न कधी करणार आहे, हे जाणून घेण्यासाठी उत्सुक आहेत. दरम्यान आता त्या दोघांचा एक व्हिडीओ सोशल मीडियावर व्हायरल होताना दिसत आहे. या व्हिडीओत त्यांचे लग्न झालेले दिसत आहे. त्यामुळे त्यांनी गुपचूप लग्नगाठ बांधली असल्याची चर्चा सोशल मीडियावर रंगली आहे.

शिवानी रांगोळे हिने सोशल मीडियावर एक व्हिडीओ शेअर केला आहे. या व्हिडीओत शिवानी आणि विराजस दिसत आहेत. त्यांनी मुंडावळ्या बांधलेल्या दिसत आहेत. गळ्यात वरमाळा देखील पाहायला मिळत आहे आणि विराजस शिवानीला मंगळसूत्र घालताना दिसत आहे. हा व्हिडीओ सोशल मीडियावर व्हायरल होत असून त्यांनी लग्न केल्याचे बोलले जात आहे. या व्हिडीओवर चाहते शुभेच्छांचा वर्षाव देखील करताना दिसत आहे.

View this post on Instagram

A post shared by Apurva | Celebrity Stylist 👗 (@style_by_apurva)

खरेतर विराजस कुलकर्णी आणि शिवानी रांगोळे यांनी लग्न केलेले नाही. हा व्हिडीओ त्यांच्या आगामी जाहिरात शूटच्या दरम्यानचा आहे. त्या दोघांनी एका ज्वेलरी ब्रॅण्डच्या जाहिरातीसाठी नुकतेच शूट केले आहे. 

विराजस कुलकर्णीने माझा होशील ना या मालिकेत मुख्य भूमिकेत पाहायला मिळत आहे. विराजस फक्त अभिनेता नसून तो दिग्दर्शकदेखील आहे. विशेष बाब म्हणजे विराजस प्रसिद्ध अभिनेत्री मृणाल कुलकर्णी यांचा मुलगा आहे. तर शिवानीने बऱ्याच मराठी मालिका आणि चित्रपटात काम केले आहे. शिवानी रांगोळे आणि विराजस कुलकर्णी सोशल मीडियावर त्यांचे फोटो शेअर करत असतात.