थंडी, पाऊस आणि रक्ताच्या धारांमधून...; विराजस कुलकर्णीच्या पोस्टनं वेधलं सर्वांचं लक्ष

‘माझा होशील ना’ या मालिकेमुळे घराघरात पोहोचलेला अभिनेता विराजस कुलकर्णी (Virajas Kulkarni) लवकरच दिग्दर्शनात पर्दापण करतोय. विराजसने दिग्दर्शित केलेला ‘व्हिक्टोरिया’ (Victoria) हा मराठी सिनेमा येत्या काळात प्रेक्षकांच्या भेटीस येतोय. नुकतंच या चित्रपटाचं शूटींग संपलं. विराजसने एक पोस्ट शेअर करत याबद्दलची माहिती दिली आहे.
‘व्हिक्टोरिया’च्या सेटवरचा फोटो शेअर करत त्याने लिहिलं, ‘व्हिक्टोरिया चित्रपटाचे शूटींग संपले. थंडी, पाऊस आणि रक्ताच्या धारांमधून आमचा पहिला हॉरर चित्रपट, तुमच्यापर्यंत पोहोचायला एक पाऊल पुढे आला आहे.’

 ‘व्हिक्टोरिया’ या चित्रपटात अभिनेता पुष्कर जोग,सोनाली कुलकर्णी , आशय कुलकर्णी मुख्य भूमिकेत आहे. काही दिवसांपूर्वीच या चित्रपटातील कलाकारांचा फर्स्ट लुक विराजसने शेअर केला होता.

विराजस कुलकर्णी लोकप्रिय अभिनेत्री मृणाल कुलकर्णी यांचा मुलगा आहे. ‘माझा होशील ना’ या मालिकेनंतर विराजस कोणत्या नव्या प्रोजक्टेमध्ये दिसला नाही. मात्र विराजय सोशल मीडियावर नेहमी सक्रिय असतो. नुकताच त्याचा साखरपुडा झाला आहे. अभिनेत्री शिवानी रांगोळे हिच्यासोबतचं नातं त्याने अधिकृत केलं होतं.   

ती आणि ती, वेल डन बेबी या चित्रपटाच्या यशानंतर आनंद पंडित मोशन पिचर्स एल एल पी आणि गुसबम्प्स एंटरटेनमेंट पुन्हा एकदा व्हिक्टोरिया हा एक नवीन चित्रपट घेऊन येत आहेत. ‘व्हिक्टोरिया’ चित्रपटाची कथा पटकथा आणि संवाद ओमकार गोखले, जीत अशोक आणि विराजस कुलकर्णी यांनी लिहिले आहेत. आनंद पंडित, रूपा पंडित आणि पुष्कर जोग हे ‘व्हिक्टोरिया’ या चित्रपटाचे निर्माते आहेत तर वैशल शाह सह निर्माता आहेत. या बिग बजेट चित्रपटाचं शूटिंग स्कॉटलंड येथे झालं आहे .