ऐश्वर्या-यश जोडीचा ‘माझा एल्गार’

र�

��पेरी पडद्यावर बऱ्याच जोड्या लोकप्रिय झाल्या असल्या तरी त्यातल्या काही जोड्यांनी ऑनस्क्रीन केमिस्ट्रीच्या बळावर रसिकांच्या मनावर आपला वेगळा ठसा उमटवला आहे. श्री. सद्गुरू फिल्म्सची प्रस्तुती असलेल्या ‘माझा एल्गार’ या चित्रपटाद्वारे ऐश्वर्या राजेश आणि यश कदम ही नवी जोडी १० नोव्हेंबरला प्रेक्षकांच्या भेटीला येत आहे.मिलिंद कांबळे यांच्या दिग्दर्शनाखाली तयार झालेल्या ‘माझा एल्गार’ची निर्मिती सौरभ आपटे यांनी केली असून, श्रीकांत आपटे यांची प्रस्तुती आहे. शीर्षकावरून या चित्रपटात एक संघर्ष कथा पहायला मिळणार असल्याचं सहज लक्षात येतं. या सोबतच ‘माझा एल्गार’मध्ये एक प्रेमकथाही आहे. या प्रेमकथेचा नायक यश कदम असून, ऐश्वर्या राजेश ही नायिका आहे. ऐश्वर्या आणि यश या चित्रपटाच्या निमित्ताने प्रथमच एकत्र आले आहेत. दोघांचाही मुख्य भूमिकेतील हा पहिलाच चित्रपट आहे. ऑडीशनच्या माध्यमातून दोघांचीही या चित्रपटात एंट्री झाली आहे.ऐश्वर्या ही एक उत्तम अभिनेत्री असून, अभिनयाचे गुण तिच्या अंगी उपजत आहेत. तिच्यासोबत काम करताना कधीही नवखेपणाची जाणीव झाली नसल्याचं यश मानतो. यशसोबत काम करताना सुरुवातीला थोडं अवघडल्यासारखं वाटलं होतं, पण त्याच्या दिलखुलास स्वभावामुळे काम करणं सोपं झाल्याचं ऐश्वर्या म्हणते.यामुळे ऐश्वर्या आणि यशची ‘ऑनस्क्रीन केमिस्ट्री’ धमाल उडवून देईल अशी आशा आहे. ऐश्वर्या आणि यश या जोडीसोबत स्वप्निल राजशेखर, अमोल रेडीज, अर्चना जोशी, ऋचा आपटे, गंधार जोशी, प्रफुल्ल घाग, राजकिरण दळी, गोपाळ जोशी, सचिन सुर्वे, नितीन जाधव, पूजा जोशी, वैदेही पटवर्धन, डॉ भगवान नारकर आदि कलाकारांच्याही या चित्रपटात भूमिका आहेत.या चित्रपटाची कथा, दिग्दर्शक मिलिंद कांबळे यांनीच लिहिली आहे. पटकथा, संवादलेखन चेतन किंजळकर यांनी केलंय.‘माझा एल्गार’चं छायांकन उमेश पोफळे यांनी केलं असून, नकुल प्रसाद -प्रज्योत पावसकर यांनी संकलन केलं आहे. जितेंद्र जैस्वार यांनी कार्यकारी निर्मात्याची जबाबदारी सांभाळली आहे.