अमिताभ बच्चन आणि नागराज मंजुळे एकत्रित?

न�

��गराज मंजुळे दिग्दर्शित सैराट या चित्रपटाने प्रेक्षकांच्या मनावर आधिराज्य गाजविले आहे. एवढेच नाही तर, या चित्रपटाने आंतरराष्ट्रीय पातळीवरदेखील यश मिळविले आहे. हा चित्रपट प्रदर्शित होऊन नऊ महिने झाले असले तरी या चित्रपटाची चर्चा कायमच आहे. त्याचप्रमाणे या चित्रपटातील रिंकु राजगुरू आणि आकाश ठोसर यांच्या अभिनयानेदेखील प्रेक्षकांचे मनं जिंकले आहे. तर या चित्रपटातील गाणेदेखील आज ही प्रेक्षकांच्या ओठावर आहे. म्हणूनच बॉलिवुडमध्येदेखील अनेक कलाकार या चित्रपटाच्या प्रेमात पडलेले पाहायला मिळाले. त्यामुळेच या चित्रपटाचे यश पाहता, हा चित्रपट पाहण्याचा मोह बॉलिवुडचे बिग बी अर्थातच अमिताभ बच्चन यांनादेखील आवरला नाही. 

        नुकतेच अमिताभ यांनी सोशलमीडियावर या चित्रपटाचे कौतुक केले होते. त्यामुळे पुन्हा या चित्रपटाची चर्चा रंगली होती. आता यापाठोपाठ आणखी गोष्ट समजत आहे की, नागराज मंजुळे यांच्या आगामी चित्रपटात बॉलिवुडचा शहेनशहा अमिताभ बच्चन प्रेक्षकांना पाहायला मिळणार आहे. हो, नागराज सध्या एका हिंदी चित्रपटामध्ये व्यग्र असल्याचे कळत आहे. हा हिंदी चित्रपट हा सैराटचा रिमेकच असणार आहे. करण जोहरची निर्मिती असणाºया या चित्रपटाच्या संहितेवर सध्या काम सुरु आहे. या चित्रपटाच्या निमित्ताने नागराज मंजुळे आणि अमिताभ बच्चन पहिल्यादांच  एकत्र काम करणार असल्याचे कळत आहे. त्यामुळे प्रेक्षकांमध्ये म्हणून अमिताभ यांनी काही दिवसापूर्वी सैराट हा चित्रपट पाहायला असेल याची कुजबूज सुरू झाली आहे. बॉलिवुडच्या या रिमेकमध्ये श्रीदेवी यांची कन्या जान्हवी कपूर झळकणार आहे. जान्हवी ही आर्चीच्या भूमिकेत पाहायला मिळणार आहे. मात्र अमिताभ बच्चन कोणत्या भूमिकेत असणार आहे हे अदयापदेखील कळाले नाही.