अमृता खानविलकरने निपुण धर्माधिकारीला बनविले आयटम गर्ल

क�

��स्टिंग काऊच विथ अमेय निपुण ही वेबसीरीज प्रेक्षकांच्या पसंतीस उतरली. या वेबसीरीजमध्य अमेय आणि निपुणने कलाकारांनीसोबत केलेली मस्ती प्रेक्षकांना ही भावली. म्हणूनच आता, कास्टिंग काऊच विथ अमेय निपुण या वेबसीरीजच्या दुस-या सिझनला सुरुवात झाली आहे. या वेबसीरीजच्या पहिल्याच एपिसोडमध्ये बॉलिवुडचा तगडा दिग्दर्शक अनुराग कश्यप याने उपस्थिती  लावली. आता या वेबसीरीजच्या दुसºया एपिसोडमध्ये प्रेक्षकांची लाडकी अभिनेत्री अमृता खानविलकरने हजेरी लावली. तिच्या उपस्थितीमुळे या एपिसोडमध्य खूपच धमाल आली असल्याचे पाहायला मिळाले.  त्यामुळे तिच्या चाहत्यांसाठी ही आनंदाची बातमी आहे. 
       
          या एपिसोडमध्ये निपुण आणि अमेय याने अमृता खानविलकरसोबत खूपच मजा मस्ती केली असल्याचे पाहायला मिळाले. तसेच अमृतानेदेखील हम भी कुछ कम नहीं म्हणत निपुणची परिक्षा घेतली. अमृता खानविलकर ही विशेष करून तिच्या नृत्यासाठी ओळखली जाते. पण, नृत्य ही केवळ तिच्यातील एक भाग असून ती नृत्यापुरता मयार्दीत नसल्याचे तिने यावेळी निपुणला ठणकावून सांगितले.  कट्यार काळजात घुसली या चित्रपटाने बॉक्स आॅफिसवर बाजी मारली, असे म्हणत अमेयने बाजी म्हणजे चित्रपट नाही असा विनोदही केला.

            त्यावर बाजी चित्रपटाविषयी काही बोलण्यापेक्षा अमृताने कट्यार काळजात घुसली या चित्रपटाविषयी भरभरून बोलली. विशेष म्हणजे, अमृताने चक्क निपुणलाच आयटम गर्ल बनवलं. निपुण नाचला नाही तर मी इथून निघून जाईन, असाच काहीसा हट्ट अमृताने यावेळी धरला होता. शेवटी आपल्या चित्रपटात अभिनेत्री हवी म्हणून निपुणही नाचायला तयार होतो. तो सात समुंदर पार में तेरे पिछे पिछे आ गयी या गाण्यावर नाचतो.  पण, अखेर अमेय आणि निपुणचा वेडेपणा पाहून अमृता तेथून निघून गेली. यावर निपुणलाही त्याचे रडू आवरले नाही.