​अंकुश चौधरी झळकणार नव्या चित्रपटात

अ�

��कुश चौधरी गेल्या अनेक वर्षांत एकाहून एक हिट चित्रपट देत आहे. त्याने गेल्या काही वर्षांत दुनियादारी, डबल सिट, गुरू यांसारखे अनेक हिट चित्रपट मराठी चित्रपटसृष्टीला दिले आहेत. आज मराठीतील आघाडीच्या अभिनेत्यामध्ये त्याची गणना केली जाते.
गेल्या वर्षी अंकुशचा ती सध्या काय करते हा चित्रपट प्रदर्शित झाला होता. या चित्रपटाने बॉक्स ऑफिसवर चांगलीच कमाई केली होती. एवढेच नव्हे तर या चित्रपटातील अंकुशच्या अभिनयाची चांगलीच चर्चा झाली होती. अंकुश सध्या काय करते या चित्रपटानंतर एका नव्या चित्रपटात काम करण्यास सज्ज झाला आहे.
अंकुशच्या नव्या चित्रपटाची घोषणा झाली असून वायकॉम 18 मोशन पिक्चर्स या चित्रपटाची निर्मिती करणार आहे. 
क्लासमेट या चित्रपटात अंकुश चौधरीने प्रमुख भूमिका साकारली होती तर या चित्रपटाचे दिग्दर्शन आदित्य सरपोतदार यांनी केले होते. आदित्य आणि अंकुश यांची जोडी नव्या चित्रपटात पुन्हा एकदा प्रेक्षकांना पाहायला मिळणार आहे. अंकुशच्या आगामी चित्रपटाचे दिग्दर्शन आदित्य सरपोतदार करत असून हा चित्रपट 29 सप्टेंबर 2017ला प्रेक्षकांच्या भेटीस येणार आहे. अंकुशची प्रमुख भूमिका असलेल्या या चित्रपटाचे नाव काय असणार यावर चित्रपटाच्या टीमने मौन राखणेच पसंत केले आहे. 
अंकुशच्या या आगामी चित्रपटाचे लेखन उपेंद्र सिद्धये यांनी केले आहे. आदित्य सरपोतदार आणि अंकुश यांचे क्लासमेट या चित्रपटाच्या वेळी खूपच चांगले ट्युनिंग जमले होते. त्यामुळे पुन्हा एकदा आदित्यसोबत काम करण्यास अंकुश उत्सुक असल्याचे म्हटले जात आहे.