'चंद्रा तिच्या चंद्रमुखी समोर नृत्य प्रदर्शनासाठी सज्ज', अमृता खानविलकरची पोस्ट चर्चेत
By ऑनलाइन लोकमत | Published: August 12, 2022 10:29 AM2022-08-12T10:29:00+5:302022-08-12T10:34:37+5:30
Amruta Khanvilkar: मराठी सिनेइंडस्ट्रीतील प्रसिद्ध अभिनेत्री अमृता खानविलकरही ‘झलक दिखला जा १०’ मध्ये स्पर्धक म्हणून दिसणार आहे.
'चंद्रा तिच्या चंद्रमुखी समोर नृत्य प्रदर्शनासाठी सज्ज', अमृता खानविलकरची पोस्ट चर्चेत
Next सर्वात धमाकेदार डान्स रिअॅलिटी शो 'झलक दिखला जा'(Jhalak Dikhalaja Season 10)चा १०वा सीझन लवकरच छोट्या पडद्यावर येणार आहे. या शोमध्ये सहभागी होण्यासाठी अनेक सेलिब्रिटींची नावे समोर येत आहेत. दरम्यान, मराठी सिनेइंडस्ट्रीतील प्रसिद्ध अभिनेत्री अमृता खानविलकरही ‘झलक दिखला जा १०’ मध्ये स्पर्धक म्हणून दिसणार आहे. या शोच्या प्रोमोमध्ये अमृता खानविलकर (Amruta Khanvilkar) आणि माधुरी दीक्षित (Madhuri Dixit) एकत्र डान्स करताना दिसणार आहे. याची झलक नुकतीच सोशल मीडियावर पाहायला मिळते आहे. अमृताने सोशल मीडियावर प्रोमोची झलक शेअर करत आनंद व्यक्त केला आहे. तिची ही पोस्ट चर्चेत आली आहे.
अमृता खानविलकरने झलक दिखला जाच्या सेटवरील व्हिडीओ शेअर केला आहे. या व्हिडीओत अमृता बोलतेय की मी तयार झाले आहे आणि आता फ्लोअरवर जाते शूटसाठी तेही माधुरी दीक्षितसोबत. त्यानंतर या व्हिडीओत त्या दोघी डान्स करताना दिसत आहे. मग माधुरी दीक्षित म्हणते की पाच वर्षांच्या प्रतीक्षेनंतर झलक दिखला जा शो भेटीला येतो आहे. लवकरच.फक्त कलर्स वाहिनीवर.
तसेच व्हिडीओ शेअर करून तिने कॅप्शनमध्ये लिहिले की, ज्या अभिनेत्री मुळे अभिनेत्री बनावं असं वाटायला लागलं. ज्यांचं रूप ... सौंदर्य ... नृत्य अविस्मरणीय होतं .. आहे आणि राहणार अश्या माझ्या अतिशय लाडक्या अभिनेत्री माधुरी दीक्षित बरोबर मला थिरकायला मिळालं तुमची ही चंद्रा तिच्या चंद्रमुखी समोर नृत्य प्रदर्शन करायला सज्ज आहे झलक दिखला जा सीझन १० (JHALAK DIKHLAJA SEASON 10) मध्ये फक्त कलर्स वाहिनीवर(COLORS) नेहमी प्रमाणे तुमची साथ असू द्या.
अमृताच्या या पोस्टला चाहत्यांची पसंती मिळत असून तिला सर्वजण शुभेच्छा देताना दिसत आहेत.