'फतवा' चित्रपटातील छाया कदम यांची निगेटिव्ह भूमिका चर्चेत

Fatwa Movie :'फतवा' या सिनेमातून एक अनोखी प्रेम कहानी प्रेक्षकांच्या भेटीला आली आहे.

'फतवा' हा शब्द तुम्ही अनेकदा ऐकला असेलच मात्र प्रेमाचा फतवा कधी ऐकलंय का... असाच प्रेमाचा फतवा नुकताच प्रेक्षकांच्या भेटीला आलाय. फतवा या सिनेमातून एक अनोखी प्रेम कहानी प्रेक्षकांच्या भेटीला आली आहे. नवोदित अभिनेता प्रतिक गौतम आणि श्रद्धा भगत यामध्ये आपल्याला दिसणार आहेत. या चित्रपटात छाया कदम दुर्गा ही ग्रे शेड भूमिका साकारताना दिसणार आहेत. 

छाया कदम यांनी चित्रपटाबद्दल सांगितले की, फतवा चित्रपटात मी दुर्गाची निगेटिव्ह भूमिका साकारली असली तरी हा सिनेमा प्रेमावर आधारीत आहे. प्रेम करण्याचं स्वातंत्र्य सर्वांना आहे. या चित्रपटात हेच दाखवण्यात आला आहे. प्रतिक आणि श्रद्धाने या चित्रपटासाठी खूप मेहनत घेतली आहे. या चित्रपटातून एक वेगळा प्रयत्न करण्यात आला आहे. 

View this post on Instagram

A post shared by Planet Marathi प्लॅनेट मराठी (@planet.marathi)

दिग्दर्शक, लेखक आणि अभिनेता प्रतिक गौतमचं कौतुक करताना छाया कदम म्हणाल्या की, प्रतिकचं मला खूप कौतुक वाटतं. इतक्या लहान वयात तो एवढं सगळं करतो आहे. चित्रपटाचा दिग्दर्शक, लेखक आणि अभिनेता तो आहे. मला भारी वाटत आहे की त्याचा ड्रिम प्रोजेक्टचा छोटासा भाग मी आहे. 

फतवा चित्रपटात प्रतिक गौतम, श्रद्धा भगत आणि छाया कदम यांच्या व्यतिरिक्त मिलिंद शिंदे, नागेश भोसले, संजय खापरे,अमोल चौधरी, निलेश वैरागर, पूनम कांबळे,  निखिल निकाळजे, निकिता संजय हे कलाकार दिसणार आहेत.