​सिद्धार्थ जाधव आणि त्याची लेक इराची जुगलबंदी पाहिलीत का?

​सिद्धार्थ जाधव आणि त्याची लेक इराचा एक खूप चांगला व्हिडिओ त्याने नुकताच फेसबुक या सोशल नेटवर्किंग साईटवर पोस्ट केला आहे. या व्हिडिओला प्रेक्षकांचा खूप चांगला प्रतिसाद मिळत आहे.

स�

��द्धार्थ जाधव हे आज मराठी इंडस्ट्रीतील एक मोठे नाव आहे. त्याने दे धक्का, टाइम प्लीज, शिक्षणाचा आयचा घो यांसारख्या चित्रपटांमध्ये दर्जेदार भूमिका साकारल्या आहेत. सिद्धार्थने गोलमाल, गोलमाल रिटर्न्स या चित्रपटात देखील काम केले आहे. तो नुकताच त्याची पत्नी तृप्ती जाधवसोबत नच बलिये या कार्यक्रमात झळकला होता. या कार्यक्रमातील त्या दोघांचा परफॉर्मन्स प्रेक्षकांना खूप आवडला होता. त्या दोघांनी अंतिम पाचमध्ये देखील धडक मारली होती. पण मते कमी पडल्यामुळे त्या दोघांना कार्यक्रमातून बाहेर पडावे लागले. तसेच सध्या तो गेला उडत या नाटकात काम करत असून या नाटकाला प्रेक्षकांचा खूप चांगला प्रतिसाद मिळत आहे. 
सिद्धार्थ जाधव त्याची पत्नी तृप्ती जाधव आणि स्वरा, इरा या दोन मुलींसोबत नुकताच चला हवा येऊ द्या या कार्यक्रमात आला होता. या कार्यक्रमात त्याची धाकटी मुलगी इराने खूप मजा-मस्ती केली होती. या कार्यक्रमाच्या त्या भागाची ती खऱ्या अर्थाने स्टार होती. या कार्यक्रमानंतर सिद्धार्थप्रमाणेच इरा ही प्रेक्षकांची लाडकी बनली आहे. इराचे देखील आता अनेक फॅन बनले आहेत.
इरा आणि सिद्धार्थचा एक व्हिडिओ नुकताच सिद्धार्थने त्याच्या फेसबुकच्या अकाऊंटला पोस्ट केला आहे. या व्हिडिओत इराला तो सारेगमपा गायला शिकवत असल्याचे दिसत आहे. पण त्याच्या या शिकवण्याकडे लक्ष न देता ती तिचेच शब्द गात आहे. अतिशय सुंदर हा व्हिडिओ असून या व्हिडिओला प्रेक्षकांचा खूप चांगला प्रतिसाद मिळत आहे. आतापर्यंत हजारोहूनही अधिक लोकांनी हा व्हिडिओ पाहिला आहे. या पोस्टसोबत त्याने लिहिले आहे की, आज वर्ल्ड म्युझिक डे असल्याने  "पडोसन" या सिनेमाची आठवण झाली... किशोरकुमार सर सुनिल दत्त सरांना "सा रे ग म" शिकवतात तो shot... "भोले नीचेसे..." पण इथे कोण कुणाची "शाळा" घेतय तेच कळत नाहीय.