अशोक सराफ यांच्याविषयी ही गोष्ट तुम्हाला माहीत आहे का?

अनेक कलाकार अभिनयासोबतच वेगवेगळ्या कला देखील जोपासत असतात. काहींना वाचण्याची आवड असते, तर एखादा अभिनेता चांगला गायक असतो तर ...

अ�

��ेक कलाकार अभिनयासोबतच वेगवेगळ्या कला देखील जोपासत असतात. काहींना वाचण्याची आवड असते, तर एखादा अभिनेता चांगला गायक असतो तर एखादा कलाकार एखादे वाद्य खूप चांगल्या प्रकारे वाजवतो. अभिनेते अशोक सराफ हे देखील एक वाद्य खूप चांगले वाजवतात असे तुम्हाला कोणी सांगितले तर त्यावर तुम्हाला विश्वास बसेल का? हो, हे खरे आहे. अशोक सराफ तबला खूपच चांगल्या प्रकारे वाजवतात.
विनोदाच्या अचूक टायमिंगसाठी प्रसिद्ध असलेल्या अशोक सराफ यांचा म्हणजेच मराठी चित्रपटसृष्टीच्या लाडक्या अशोक मामांचा अजून एक पैलू शेंटिमेंटलच्या निमित्ताने गप्पा मारताना समोर आला आहे. हा पैलू म्हणजे अशोक सराफ उत्तम तबलावादक आहेत. विनोदनिर्मितीसाठी लयबद्ध बोलणाऱ्या अशोक सराफ यांना तालाची देखील अचूक जाण आहे. लहानपणापासून त्यांना तबला या वाद्याची विशेष आवड होती. परंतु अभ्यासाकडे दुर्लक्ष होईल या भीतीने घरच्यांनी या आवडीपासून त्यांना दूर ठेवले आणि आपल्याला तबलावादक अशोक सराफ यांच्या जागी विनोदवीर अशोक सराफ अनुभवायला मिळाले!
अशोक सराफ अनेक वर्षांनंतर प्रेक्षकांना शेंटिमेंटल या चित्रपटात पाहायला मिळणार आहेत. पोस्टर गर्ल, पोस्टर बॉइज यांसारख्या चित्रपटांचे दिग्दर्शन समीर पाटील यांनी केले होते. समीर पाटील यांनी पोलिसांच्या आयुष्यावर शेंटिमेंटल नावाचा चित्रपट बनवला असून या चित्रपटात अशोक सराफ महत्त्वाच्या भूमिकेत झळकत आहेत. या चित्रपटात ते पोलिसांच्या भूमिकेत प्रेक्षकांना दिसत आहेत. या चित्रपटाची कथा त्यांना अतिशय आवडल्यामुळे त्यांनी या चित्रपटात काम करण्याचा निर्णय घेतला. या चित्रपटात अशोक सराफ यांच्यासोबत उपेंद्र लिमयेदेखील काम करत आहे. 

Also Read : अशोक सराफ आणि समीर पाटील यांच्या भन्नाट टायमिंगने महाराष्ट्र होणार शेंटिमेंटल