Exclusive मोनालिसा बागल झळकणार डॅडी चित्रपटात

   बेनझीर जमादार

झाला बोभाटा हा नुकताच प्रदर्शित झालेल्या चित्रपटाच्या माध्यमातून अभिनेत्री मोनालिसा बागल हिने प्रेक्षकांचे मन जिंकले आहे. या नवीन अभिनेत्रीला लगेच बॉलिवुडची लॉटरी लागली असल्याचे दिसत आहे. कारण मोनालिसा ही लवकरच बॉलिवुडमध्ये पदापर्ण करणार आहे. ती अरूण गवळी यांच्या जीवनावर आधारित असणाºया डॅडी या चित्रपटात झळकणार असल्याचे तिने लोकमत सीएनएक्सला सांगितले आहे. मोनालिसा सांगते, माझी या चित्रपटात लहान भूमिका आहे. मात्र या लहान भूमिकेच्या माध्यमातून बॉलिवुडमध्ये पदापर्ण करणार असल्याने खूपच आनंद होत आहे. या चित्रपटाचा अनुभव माझ्यासाठी खूपच छान होता. एवढेच नाही तर, या चित्रपटाच्या चित्रिकरणावेळी अर्जुन रामपाल स्वत: ते उठून म्हणाले की, भविष्यात ज्यावेळी मी चित्रपट करेन त्यावेळी तू माझ्या चित्रपटाची अभिनेत्री असेल. हे ऐकून मी खूपच भारावून गेले होते. डॅडी या चित्रपटात काम करण्याची संधी मिळाली हे माझं  भाग्य आहे. या चित्रपटाने माझे एक स्वप्न पूर्ण झाले असे म्हणण्यास हरकत नाही. मोनालिसा ही नुकतीच झाला बोभाटा या मराठी चित्रपटात मुख्य भूमिकेत पाहायला मिळाली. या चित्रपटात तिच्यासोबत अभिनेता मयुरेश पेम झळकला होता. तसेच दिलीप प्रभावळकर, भाऊ कदम, संग्राम साळवी, कमलेश सावंत या कलाकारांचादेखील या चित्रपटात समावेश आहे. हा तिचा पहिलाच मराठी चित्रपट आहे. त्यामुळे आता मराठीनंतर मोनालिसा थेट बॉलिवुडमध्ये पाहायला मिळणार आहे. तसेच सध्या ती एका मराठी चित्रपटाच्या चित्रिकरणामध्ये व्यग्र असल्याचे कळत आहे. मात्र या चित्रपटाचे नाव काय असणार हे अदयाप ही गुलदस्त्यात आहे.