Exclusive - प्रिया सांगतीये... गच्ची छोट्या जीवाची नाजुक गोष्ट
By ऑनलाइन लोकमत | Published: June 27, 2016 07:52 AM2016-06-27T07:52:38+5:302016-06-27T14:02:49+5:30
प्रियांका लोंढे - चित्रपटाचे नाव जरा हटके असले की त्या चित्रपटाविषयी प्रेक्षकांमध्ये ...
Exclusive - प्रिया सांगतीये... गच्ची छोट्या जीवाची नाजुक गोष्ट
Next चित्रपटाचे नाव जरा हटके असले की त्या चित्रपटाविषयी प्रेक्षकांमध्ये आपोआपच उत्सुकता वाढु लागते. तर काही वेळेस मुद्दाम एखादे वेगळे अन कॅची नाव सिनेमाला दिले जाते कारण लोकांमध्ये त्या सिनेमाविषयी क्युरिओसिटी निर्माण व्हावी हाच एक हेतू असतो. आता पहा ना आपल्या प्रिया बापटच्या आगामी चित्रपटाचे नाव आहे गच्ची. हे नाव वेगळे नसले तरी सर्वांच्याच जवळचे अन प्रत्येकाच्या वेगवेगळ््या भावना जोडलेले असे आपलेसे नाव आहे. गच्ची म्हटल्यावर प्रत्येकाच्याच समोर डिफरंट मेमरीज येतात. गच्चीवर जाऊन एँजॉय केलेला रोमँटिक पाऊस असो किंवा रात्री आकाशातील तारे मोजताना वाºयाच्या झुळकेत लागलेली झोप असो.
गच्ची या नावातच बरेच काही आहे. परंतू प्रियाच्या या सिनेमात नक्की आहे तरी काय. गच्चीमधल्या कोणत्या रोमँटिक आठवणींना प्रिया या चित्रपटात उजाळा देणार आहे याबद्दल सीएनएक्सने प्रियाला विचारले असता, ती म्हणाली, गच्ची ही एकदम छोट्या जीवाची नाजुक गोष्ट आहे. आता हा छोटा जीव कोण आहे हे गुपित काही प्रियाने उलगडले नसले तरी ते आपल्याला लवकरच समजेल. कडक उन्हाळ््याच्या रखरखाटात आम्ही गच्चीवर जाऊन शुटिंग केले असल्याचे सांगायला मात्र प्रिया विसरली नाही. नचिकेत सामंत दिग्दर्शीत गच्ची या चित्रपटात अभय महाजन प्रियाचा हिरो असणार आहे. चला तर मग या गच्चीवरच्या नाजुक गोष्टीची वाट सध्या तरी प्रियाच्या चाहत्यांना पहावी लागणार आहे हे मात्र खरे.