Gautami Patil : कपडे बदलतानाचा व्हिडीओ व्हायरल झाल्यानंतर गौतमी पाटीलचा खुलासा, म्हणाली- 'पडद्याच्या रुममध्ये…'

Gautami Patil : सोशल मीडिया स्टार आणि डान्सर गौतमी पाटील पुन्हा एकदा चर्चेत आली आहे.

सोशल मीडिया स्टार आणि डान्सर गौतमी पाटील (Gautami Patil) पुन्हा एकदा चर्चेत आली आहे. दिवसेंदिवस गौतमीच्या चाहत्यांच्या संख्येत वाढ होताना दिसते आहे. तसेच गौतमीच्या डान्सचे व्हिडीओदेखील सोशल मीडियावर व्हायरल होताना दिसतात. अनेक कार्यक्रमानिमित्त तिचे डान्स शो आयोजित केले जातात. तिच्या कार्यक्रमाला हजारो चाहते गर्दी करत असतात. अनेकदा तिच्या कार्यक्रमात तरुणांनी धुडगूस घातल्याचे वृत्त समोर आले आहे. काही दिवसांपूर्वी गौतमी पाटीलचा कपडे बदलतानाचा व्हिडीओ व्हायरल झाला होता. त्यावर आता तिने आपली प्रतिक्रिया दिली आहे. 

गौतमी पाटीलचा काही दिवसांपूर्वी कपडे बदलतानाचा व्हिडीओ व्हायरल झाला होता. कार्यक्रमाच्या ठिकाणी कोणीतरी लूपन हा व्हिडीओ शूट करुन तो व्हायरल केला होता. याप्रकरणी पोलिसांत तक्रारही दाखल करण्यात आली होती. तेव्हापासून गौतमी व्हॅनिटी व्हॅन वापरते. याबाबत तिने नुकतीच एबीपी माझाला प्रतिक्रिया दिली.

गौतमी म्हणाली, व्हॅनिटी व्हॅनच पाहिजे असे माझे काही नाही. मी आधी पडद्याच्या रुममध्येही कपडे बदलले आहेत. पण माझा व्हिडीओ व्हायरल झाल्यानंतर मी काळजी घेते. म्हणून मी व्हॅनिटी व्हॅन वापरायला सुरुवात केली. त्यानंतर मी व्हॅनिटी व्हॅन असली पाहिजे, असे आयोजकांना सांगते. पण, जर व्हॅनिटी व्हॅन शक्य नसेल, तर चार भिंती असलेली व्यवस्थित रुम द्या, एवढेच माझे म्हणणे असते.

View this post on Instagram

A post shared by Gautami Patil (@official_gautami941__)

गौतमी पाटीलच्या डान्सचे अनेक व्हिडीओ सोशल मीडियावर व्हायरल होताना दिसतात. गौतमीच्या डान्सवर आक्षेप घेत ती अश्लील डान्स करत असल्याची टीकादेखील करण्यात आली होती. त्यानंतर डान्समध्ये सुधारणा केल्याचे गौतमी पाटीलने म्हटले होते.