हॅपी बर्थडे मानसी नाईक

आपल्या नृत्याने आणि अभिनयाने प्रेक्षकांच्या मनावर राज्य करणारी अभिनेत्री मानसी नाईक हिचा आज वाढदिवस आहे. प्रेक्षकांच्या या लाडक्या अभिनेत्रीला ...

आ�

��ल्या नृत्याने आणि अभिनयाने प्रेक्षकांच्या मनावर राज्य करणारी अभिनेत्री मानसी नाईक हिचा आज वाढदिवस आहे. प्रेक्षकांच्या या लाडक्या अभिनेत्रीला चाहत्यांनी सोशलमीडियावर भरभरून शुभेच्छा दिल्या आहेत. त्याचबरोबर मराठी चित्रपटसृष्टीतील कलाकारांनीदेखील सोशलमीडियाच्या माध्यमातून तिच्यावर शुभेच्छांचा वर्षाव केला आहे. 


               
            तिने आतापर्यत मराठी चित्रपटसृष्टीला जबरदस्त, तीन बायका फजिती ऐका, ढोलकी, मर्डर मेस्त्री, द शॅडो, कॅरी आॅन देशपांडे आदी मराठी चित्रपट दिले आहेत. तसेच ढोलकीच्या तालावर, हल्ला बोल, चला हवा येऊ द्या, मराठी तारका आदी कार्यक्रमांतून सुध्दा मानसीने छोटया पडदयाच्या माध्यमातून प्रेक्षकांचे मन जिंकले आहे. नुकताच वज्र या चित्रपटातील तिने केलेला मुजरादेखील प्रेक्षकांच्या पसंतीस उतरला आहे. या मुजराच्या माध्यमातून तिने प्रेक्षकांना आपल्या अदाने घायाळ केले असे म्हणण्यास हरकत नाही.



             काही दिवसांपूर्वीच मानसीच्या बाई वाडयावर या.. या गाण्याने प्रेक्षकांमध्ये कल्ला केला आहे. पार्टी,लग्न कोणताही कार्यक्रम असो हे गाणे धमाल उडवत असल्याचे पाहायला मिळत आहे. आता मानसी ही, विनोदाचा बादशहा जॉनी लिव्हर आणि तगडा डान्सर सिध्देश पै याच्यासोबत एका गाण्याच्या माध्यमातून पाहायला मिळणार आहे. मला लगीन कराचयं आहे या गाण्याच्या माध्यमातून प्रेक्षकांचे लाडकी हे तीन कलाकार ठेका धरणार आहे. हे गाणे नक्कीच प्रेक्षकांचे पसंतीस उतरणार अशी अशा करूयात. यापूर्वीदेखील तिच्या बघतोय रिक्षावाला या गाण्याने धूम केली होती. हे गाणे प्रेक्षक आज ही विसरले नाहीत. असे एकापाठोपाठ एका गाण्याने मानसी प्रेक्षकांच्या मनावर आधिराज्य गाजवत आहे.