We 'WON'KHEDE! MI ला सपोर्ट करताना दिसला प्रसिद्ध मराठी अभिनेता, स्टेडियममधून शेअर केला व्हिडिओ
By ऑनलाइन लोकमत | Published: April 12, 2024 12:56 PM2024-04-12T12:56:47+5:302024-04-12T12:57:09+5:30
मुंबई इंडियन्स विरुद्ध रॉयल चॅलेंजर्स बंगळूरु हा सामना मुंबईतील वानखेडे स्टेडियमवर खेळवला गेला. यावेळी मराठी अभिनेता MI ला चिअर करताना दिसला.
We 'WON'KHEDE! MI ला सपोर्ट करताना दिसला प्रसिद्ध मराठी अभिनेता, स्टेडियममधून शेअर केला व्हिडिओ
देशात लोकसभा निवडणुकांबरोबरच आयपीएलचाही फिव्हर पाहायला मिळत आहे. अनेक सेलिब्रिटीही क्रिकेटचे चाहते आहेत. अनेकदा ते क्रिकेटच्या स्टेडियममधून लाडक्या टीमला सपोर्ट करताना दिसतात. तर काही जण सोशल मीडियावरून आवडत्या टीमबाबत पोस्ट शेअर करतात. गुरुवारी(११ एप्रिल) मुंबई इंडियन्स आणि रॉयल चॅलेंजर्स बंगळूरु या टीममध्ये आयपीएलमधील २५वा सामना खेळवला गेला. या सामन्यात MI ने RCB चा पराभव करत आयपीएलमधील सलग दुसरा विजय मिळवला.
मुंबई इंडियन्स विरुद्ध रॉयल चॅलेंजर्स बंगळूरु हा सामना मुंबईतील वानखेडे स्टेडियमवर खेळवला गेला. RCB विरुद्धच्या सामन्यात MI ला सपोर्ट करण्यासाठी मराठमोळा अभिनेता शुभांकर तावडे वानखेडेवर हजर होता. स्टेडियममध्ये शुभांकर मुंबई इंडियन्सला चिअर करताना दिसला. मुंबई इंडियन्स आणि रॉयल चॅलेंजर्स बंगळूरु सामन्याचे व्हिडिओ आणि फोटो शुभांकरने त्याच्या इन्स्टाग्रामवरुन शेअर केले आहेत. या पोस्टला त्याने छान कॅप्शनही दिलं आहे. "We ‘WON’KHEDE and HOW! MI for Life", असं कॅप्शन शुभांकरने पोस्टला दिलं आहे.
दरम्यान, ११ एप्रिलला झालेल्या सामन्यात RCBने MI ला १९७ धावांचं आव्हान दिलं होतं. मुंबई इंडियन्सने अवघ्या १५.३ षटकांत आरसीबीचा धुव्वा उडवला. सूर्यकुमार यादवने १७ चेंडूत ५० धावा केल्या. तर ईशान किशानने ३४ चेंडूंमध्ये ६९ धावा केल्या. फलंदाजीबरोबरच गोलंदाजीतही मुंबई इंडियन्सने चांगली कामगिरी केली. जसप्रीत बुमराहने ५ विकेट घेत आरसीबीला नमवले. कालच्या सामन्यानंतर मुंबई इंडियन्स पॉइंट्स टेबलमध्ये ७व्या क्रमांकावर आहे. तर आरसीबी शेवटून दुसऱ्या स्थानी आहे.