आईचे नाव लावणे ही अभिमानाची गोष्ट

style="color: rgb(34, 34, 34); font-family: arial, sans-serif; font-size: 12.8px; line-height: normal;">   बेनझीर जमादार

स्त्री-पुरूष असा कोणताही भेद नसावा. समाजात महिलांना दुय्यम वागणूक मिळू नये. पुरूषप्रधान संस्कृतीत स्त्रियांना आपले स्थान मिळावे यासाठी देशभरातून विविध योजना आखण्यात येतात. त्याचबरोबर मोठया प्रमाणात जनजागृतीदेखील करण्यात येते. आता, समाजात स्त्रियांना त्यांचे स्थान मिळवून देण्याची जबाबदारी भारतीय क्रिकेट संघानेदेखील घेतली आहे. नुकतीच भारत-न्यूझीलंड क्रिकेट संघाची मालिका झाली. या मालिकेमधील शेवटच्या सामन्यात भारतीय क्रिकेट संघाने आपल्या आईचे नाव असलेली जर्सी घातली होती.  पुरुषप्रधान संस्कृतीत महिलांना प्राधान्य मिळालं पाहिजे, यासाठी भारतीय क्रिकेट संघाचा हा त्यामागचा हेतू होता. नई सोच या अभियानाअंतर्गत महिलांना प्रोत्साहन देण्यासाठी देशातील स्टार क्रिकेटपटूंनी प्रचारासाठी आपल्या जर्सीवर स्वत:च्या किंवा वडिलांच्या नावाऐवजी आईच्या नावाचा वापर केला. त्याचवेळी चंदेरी दुनियेत असेही कलाकार आहेत की, जे नेहमीच आपल्या नावासोबत आईचे नाव लावतात. अशाच काही कलाकारांचा लोकमत सीएनएक्सने घेतलेला हा आढावा.