कन्नड सैराटचे नाव 'मनसु-मल्लिगे'

न�

��गराज मंजुळे दिग्दर्शित सैराट या चित्रपटाने बॉक्सआॅफिसवर करोडोंचा गल्ला पार केला. या चित्रपटाने सर्व रेकार्ड मोडत बॉलिवुड चित्रपटांनादेखील मागे टाकले आहे. हा चित्रपट जितका हिट तितकेच हे चित्रपटातील कलाकारदेखील सुपरहीट झाले आहे. या चित्रपटातील आर्ची म्हणजेच रिंकू राजगुरू ही तर खूप भाव खाऊन गेली आहे. मात्र या चित्रपटाच्या यशानंतर या चित्रपटाचा कन्नड रिमेक येणार असल्याची चर्चा खूपच रंगली होती. त्याचप्रमाणे या चित्रपटातदेखील रिंकू असल्याने चित्रपट कन्नड जरी असली तरी या चित्रपटाविषयी जाणून घेण्यासाठी प्रेक्षकदेखील उत्सुक असल्याचे पाहायला मिळत आहे. तर सैराटच्या चाहत्यांसाठी आनंदाची बातमी आहे, सैराट या चित्रपटाच्या कन्नड रिमेक चित्रपटाचे चित्रिकरण नुकतेच पूर्ण झाले आहे. या चित्रपटाचे नाव मनसु-मल्लिगे असे आहे. या चित्रपटाचे दिग्दर्शन एस. नारायण यांनी केले आहे. या चित्रपटात आर्चीच्या भूमिकेत पुन्हा रिंकूच असल्याने तिचे चाहते खूपच आनंदित झाले आहेत. तर परश्याच्या भूमिकेत मात्र निशांतची वर्णी लागली आहे. निशांत हा कन्नड चित्रपटसृष्टीतील खलनायक सत्यप्रकाश यांचा मुलगा आहे. या चित्रपटासाठी निशांतची निवड तब्बल आठशे मुलांमधून करण्यात आली आहे. त्याचादेखील हा पहिलाच चित्रपट असणार आहे. मात्र आता या चित्रपटाच्या माध्यमातून आर्ची आणि परश्याच्या प्रेमकथेला दाक्षिणी तडका मिळाला आहे. त्यामुळे सैराटप्रमाणेच मनसु-मल्लिगे हा रिमेक असणारा चित्रपट प्रेक्षकांच्या मनावर राज्य करतो का पाहणे औत्सुकाचे ठरणार आहे. रिंकू राजगुरू हिला सैराटसाठी राष्ट्रीय पुरस्कारदेखील प्राप्त झाला आहे. तसेच तिचा चाहतावर्गदेखील खूपच मोठा आहे. रिंकू तर आता, सैराटनंतर दाक्षिणात्य चित्रपटात येण्यास सज्ज झाली आहे. तर परश्या म्हणजेच आकाश ठोसर हादेखील लवकरच महेश मांजरेकर यांच्या एफ्यू या आगामी चित्रपटात झळकणार आहे.