आता घोटाळे सुटायला पाहिजे... भारत जाधवची 'ती' पोस्ट चर्चेत

भरत जाधव यांनी आपल्या अभिनय कौशल्यातील अष्टपैलूत्व दाखवलं आहे. सोशल मीडियावर भरत जाधवच्या पोस्ट व्हायरल होत असतात. त्यांची एक पोस्ट सध्या चर्चेत आली आहे. 

मराठीतील सुपरस्टार असं ज्यांना म्हटलं जातं ते अभिनेते म्हणजे भरत जाधव(bharat jadhav) . आपल्या अभिनयाने भरत जाधव यांनी रसिकांच्या मनात अढळ स्थान मिळवलं आहे. चित्रपट, रंगभूमी किंवा छोटा पडदा या तिन्ही माध्यमांमध्ये भरत जाधव यांनी आपल्या अभिनयाचा डंका वाजवल्याचे पाहायला मिळत आहे. तिन्ही माध्यमांमध्ये वैविध्यपूर्ण भूमिका साकारत भरत जाधव यांनी आपल्या अभिनय कौशल्यातील अष्टपैलूत्व दाखवलं आहे. सोशल मीडियावर भरत जाधवच्या पोस्ट व्हायरल होत असतात. त्यांची एक पोस्ट सध्या चर्चेत आली आहे. 

भरत जाधवची यांची पोस्ट 
१५ वर्षांपूर्वी जेंव्हा हा सिनेमा प्रदर्शित झाला तेंव्हा घोटाळे च्या लुकवर काही प्रमाणात टीका झाली होती. त्यावेळी स्वप्नातही वाटलं नव्हतं की नंतर या पात्राला इतकं अमाप प्रेम मिळेल. युट्यूब वर कमेंट्स मध्ये घोटाळे या पात्रासाठी लोकं भरभरून कमेंट करतात , घोटाळेच्या तोंडी असलेले इरसाल संवाद अजूनही लोकं तितकंच एन्जॉय करतात याचं कलाकार म्हणून विलक्षण समाधान वाटतं...!! या यशाचं सार श्रेय संपूर्ण टीमच आणि लेखक दिग्दर्शक केदार शिंदेंच.१५ वर्ष झाली....

आता घोटाळे सुटायला पाहिजे गड्या...भकासपूर वाट पाहतोय..!!! #बकुळानामदेवघोटाळे #आमचेश्रद्धास्थान #सरपंचघोटाळे. या पोस्टवर चाहत्यांनी ही भन्नाट कमेंट्स केल्या आहेत. सर जत्रा 2 येणार आहे ना खूप आनंद वाटलं मग पछाडलेला 2 ही यावा अशी खूप मनापासून इच्छा आहे, मालक आत या की, सर्जेराव सारखं बाहेर का बसलाय...हा चित्रपट वाई जवळ एका गावात शुट झाला आहे. मी त्या वेळीं भरतदादा बरोबर होतो त्या चित्रपटाच्या आठवणी आजही ताज्या आहेत अशा कमेंट्स चाहत्यांनी यावर केल्या आहेत. 

दरम्यान, भरत जाधव मराठी कलाविश्वातील लोकप्रिय अभिनेते आहेत. त्यांनी जत्रा, वन रूम किचन, पछाडलेला, खबरदार, बकुळा नामदेव घोटाळे, हसा चकट फु, सही रे सरी अशा किती नाटक, चित्रपटांमध्ये काम केलं आहे. ऑल द बेस्ट या नाटकाच्या भरघोस यशानंतर भरत जाधव खऱ्या अर्थाने प्रकाशझोतात आले.