लय भारी वाटलं! 'सिंघम अगेन' पाहून हेमंत ढोमेने केलं क्षितीज पटवर्धनचं कौतुक, म्हणाला- "आपल्या दोस्ताचं टायटल बघून..."

सध्या बॉक्स ऑफिसवर रोहित शेट्टी दिग्दर्शित 'सिंघम अगेन' (Singham Again) हा चित्रपट धुमाकूळ घालतोय.

Hemant Dhome : सध्या बॉक्स ऑफिसवर रोहित शेट्टी (Rohit Shetty)दिग्दर्शित 'सिंघम अगेन' (Singham Again) हा चित्रपट धुमाकूळ घालतोय. १ नोव्हेंबरला 'सिंघम अगेन' थिएटरमध्ये प्रदर्शित करण्यात आला आहे. बॉलिवूड कलाकरांची फौज असलेल्या या चित्रपटाने अवघ्या काही दिवसांतच कमाईचे विक्रम रचले आहेत. रोहित शेट्टीच्या कॉप यूनिव्हर्सची झलक दाखवणाऱ्या या चित्रपटाला प्रेक्षकांकडून भरभरून प्रतिसाद मिळताना दिसतो आहे. एक अभिमानास्पद बाब म्हणजे या चित्रपटाची कथा मराठमोळा लेखक क्षितीज पटवर्धनने (Kshitij Patwardhan) लिहली आहे. 'सिंघम अगेन'च्या माध्यमातून त्याचं बॉलिवूडमध्ये काम करण्याचं स्वप्न पूर्ण झालं आहे. दरम्यान, सोशल मीडियावर पोस्ट करत अभिनेता, दिग्दर्शक हेमंत ढोमेने(Hemant Dhome) क्षितीज पटवर्धनबद्दल कौतुकोद्गार काढले आहेत.

हेमंत सोशल मीडियावर प्रचंड सक्रीय आहे आणि तो या माध्यमातून चाहत्यांना अपडेट देत असतो. नुकतीच अभिनेत्याने त्याचा जिवलग मित्र क्षितीज पटवर्धनचं कौतुक करणारी पोस्ट इन्स्टाग्रामवर शेअर केली आहे. या पोस्टमध्ये त्याने लिहलंय, "कडक मनोरंजनाची खात्री! आपल्या दोस्ताचं हे टायटल बघून लय भारी वाटलं! " पुढे त्याने लिहलंय, "अभी तो पार्टी शूरू हूई हैं, तुझा खूप खूप अभिमान वाटतो". हॅशटॅग 'सिंघम अगेन' म्हणत अभिनेत्याने पोस्टमध्ये अजय देवगणचा सिनेमातील फोटो शेअर केला आहे. 

दरम्यान, सिंघम अगेन चित्रपटाची प्रदर्शनानंतर यशस्वी घोडदौड सूरूच आहे. अभिनेता अजय देवगण, दीपिका पादुकोण,रणवीर सिंग तसेच अक्षय कुमार यांसारखी तगडी स्टारकास्ट चित्रपटात पाहायला मिळतेय.