मधुरा कोणाला करते मिस

 कन्यादान या मालिकेतून अभिनेत्री मधुरा देशपांडे महाराष्ट्राच्या घरात पोहोचली आहे. आपल्या अभिनयाने तिने प्रेक्षकांच्या मनात जागा निर्माण केली आहे. ...

 �

�न्यादान या मालिकेतून अभिनेत्री मधुरा देशपांडे महाराष्ट्राच्या घरात पोहोचली आहे. आपल्या अभिनयाने तिने प्रेक्षकांच्या मनात जागा निर्माण केली आहे. मात्र प्रेक्षकांची ही लाडकी अभिनेत्री कोणाला मिस करत आहे या विचारात तुम्ही नक्कीच पडला असेल. मात्र घाबरू नका ती दुसºया तिसºया कोणाला मिस करत नसून चक्क तिचा लाडका कुत्रा गबरूला मिस करत असते. गबरू हा तिचा सर्वात लाडका असल्याचे तिने लोकमत सीएनएक्सला सांगितले आहे. मधुरा सांगते, मी पूर्वी कुत्रा आणि मांजर या पाळीव प्राण्यांना खूप घाबरते. मात्र जेव्हापासून गबरू माझ्या जीवनात आला त्यादिवशीपासून माझी पाळीव प्राण्यांविषयीची भितीच दूर झाली आहे. गबरू हा आमच्या  इथेच टाका तंबू या मालिकेच्या सेटवर असतो. तिथे तो दिवसभर खेळत असतो. सेटवर तो दिसला नाही तरी त्याची शोधाशोध सुरू होते. तो सेटवर नसेल तर काहीतरी चुकल्यासारख वाटत असत. ज्या पध्दतीने खेळत असतो ते पाहून खूप मजा येते. अभिनेता शशांक केतकर हा तर खूपच श्वानप्रेमी आहे. त्यामुळे सेटवर आम्हा सर्वानाच गबरू नसेल तर करमत नाही. आमच्या संपूर्ण टीमनेच त्याला सेटवर पाळलं आहे. त्याचे खाण्या-पिण्याचे लाडदेखील आम्ही सर्व पुरवत असतो. खूप गोड आहे आमचा गबरू. मी पहिल्यांदा कोणत्यातरी कुत्र्याला हातात घेतले आहे. त्यामुळे खूप छान वाटत आहे. मधुरा ही मालिकांसहित अनेक चित्रपटातदेखील पाहायला मिळाली आहे. तिचा काही दिवसांपूर्वीच अ‍ॅण्ड जरा हटके हा चित्रपट प्रदर्शित झाला आहे. तसेच ती सध्या बसस्टॉप या आगामी चित्रपटाच झळकणार आहे. तिच्यासोबत अभिनेता हेमंत ढोमेदेखील या चित्रपटात पाहायला मिळणार आहे.