रांजण या चित्रपटाचे मोशन पोस्टर प्रदर्शित

क�

��ही दिवसांपूर्वीच रांजण या चित्रपटातील लागीर झाला हे गाणे प्रदर्शित करण्यात आले होते. हे गाणे अजय - अतूल या जोडीने गायिले आहे. या गाण्याने अल्पावधीतच प्रेक्षकांच्या मनावर राज्य केले आहे. या गाण्यापासून या चित्रपटाची चर्चादेखील रंगू लागली आहे. नुकतेच या चित्रपटाचे मोशन पोस्टर सोशलमीडियावर प्रदर्शित करण्यात आले आहे. या मोशन पोस्टर प्रेक्षकांची पसंतीदेखील मिळत असल्याचे पाहायला मिळत आहे. महागणपती एंटरटेन्मेंट चा रांजण हा चित्रपट आहे. प्रकाश पवार यांनी या चित्रपटाचे दिग्दर्शन केले आहे.या चित्रपटाला नरेंद्र भिडे यांनी संगीत दिले असून लागीर झालं रं गाण्याचे बोल वैभव जोशी यांनी लिहीले आहेत. तर अजयने हे गाणे त्याच्या शैलीत एकदम हटके अंदाजात गायले आहे. या गाण्याला अनेक हिट्स मिळत आहेत. यश आणि गौरी हे दोन नवोदित कलाकार या चित्रपटातून मराठी चित्रपटसृष्टीत पदार्पण करीत आहेत. या दोन नवोदित कलाकारांना पाहून हा चित्रपट किशोरवयीन प्रेमकथेवर आधारलेला असणार याचा अंदाज येतो. आता या चित्रपटाची खरंच कथा काय आहे हे तर आपल्याला लवकरच समजेल. तसेच यापूर्वी अजय- अतूल यांनी सैराट या चित्रपटातील गाण्याने प्रेक्षकांच्या मनावर राज्य केले आहे. आता पुन्हा ही जोडी रसिकांना मंत्रमुग्ध करण्यास सज्ज झाली आहे. लागीर झाला हे गावरान बाज असलेले गाणे एकदम रांगडया आवाजात गायले आहे. त्यामुळे हे गाणेदेखील नक्कीच प्रेक्षकांच्या पसंतीस उतरेल हे नक्की. त्याचप्रमाणे ही प्रेमकथादेखील आवडेल यात शंकाच नाही.