मराठी अभिनेत्री अडकणार विवाहबंधनात, अभिनेत्रीच्या ब्राइड टू बी पार्टीचा व्हिडीओ व्हायरल

मराठी सिनेइंडस्ट्रीतील एक अभिनेत्री लवकरच लग्न करणार आहे. तिने काही दिवसांपुर्वीच साखरपुडा केला होता. ही अभिनेत्री म्हणजे हेमल इंगळे (Hemal Ingale). तिने सोशल मीडियावर फोटो शेअर करत साखरपुडा केल्याचे जाहीर केले होते. तिच्या होणाऱ्या नवऱ्याचे नाव रोनक आहे. आता अभिनेत्रीची  लगीन घटिका समीप आली आहे. नुकतंच हेमल इंगळे हिची Bride To Be पार्टी पार पडली.

हेमलने स्वत: पोस्ट लिहून Bride To Be पार्टीचा व्हिडिओ शेअर केला आहे. यामध्ये हेमलने तिच्या खास मैत्रिणींसोबत आनंद साजरा केल्याचं दिसतंय. कॅप्शनमध्ये तिने लिहलं,  "मी ज्यांच्यावर प्रेम करते आणि जे माझ्यावर प्रेम करतात असे माझ्या आयुष्यातील सर्व प्रेमळ या खोलीत आहेत. सर्वात कमाल रात्र होती ही... हे सर्व हे सगळं जुळवून आणल्याबद्दल आभार. आताचा प्रत्येक क्षण माझ्यासाठी अविस्मरणीय होता आणि ही आठवण मी आयुष्यभर जपेन! पण आता तुम्हा सगळ्यांबरोबर केक कापतानाचा हा भन्नाट व्हिडिओ शेअर करायला मला खूप आवडेल. हा व्हिडिओ माझ्या मैत्रीचं सार मांडतो. I Love You मैत्रिणींनो".  हेमल इंगळेने शेअर केलेल्या व्हिडीओवर सध्या नेटकऱ्यांनी लाइक्स आणि कमेंट्सचा वर्षाव केला आहे.

मुळची कोल्हापूरची असलेल्या हेमल इंगळेने 'आस'मधून कलाविश्वात पदार्पण केलं होतं. अभिनय बेर्डेसोबत 'अशी ही आशिकी' या चित्रपटात ती झळकली होती. या चित्रपटातून ती घराघरात लोकप्रिय झाली. अलिकडेच ती 'नवरा माझा नवसाचा २' या चित्रपटात झळकली होती.