निखिल राउत आणि संस्कृती बालगुडेला लागली बंपर लॉटरी

 प्रेक्षकांचे लाडके कलाकार अभिनेता निखिल राउत आणि संस्कृती बालगुडे ही जोडी लवकरच प्रेक्षकांना एका आगामी चित्रपटात पाहायला मिळणार आहे. ...

 �

�्रेक्षकांचे लाडके कलाकार अभिनेता निखिल राउत आणि संस्कृती बालगुडे ही जोडी लवकरच प्रेक्षकांना एका आगामी चित्रपटात पाहायला मिळणार आहे.  बंपर लॉटरी असे या चित्रपटाचे नाव आहे. या चित्रपटाच्या माध्यमातून आम्ही दोघे पहिल्यांदाच एकत्रित येत असल्याचे अभिनेता निखिल राउत याने लोकमत सीएनएक्सला सांगितले. निखिल सांगतो, मुळात आम्ही दोघे ही वास्तवात एकाच शहरात राहतो. त्यामुळे आमच्या दोघांची मैत्री ही खूप छान आहे. या इंडस्ट्रीमध्ये कित्येक वर्ष झाले दोघे काम करतो. मात्र या चित्रपटाच्या माध्यमातून रूपेरी पडदयावर पहिल्यांदा एकत्रित झळकणार असल्याने खूपच आनंद होत आहे. बंपर लॉटरी या चित्रपटाची कथा संवेदनशील आहे. मात्र समाजाचे वास्तव या चित्रपटात मांडण्यात आले आहे. लहान मुलांची ही कहानी आहे. एक मध्यमवर्गी़य परिवार आहे. त्या परिवारातील एक लहान मुलगा वडिलांचे कष्ट, आशा आकांक्षा, स्वप्न या सर्व गोष्टी जवळून पाहत असतो. मात्र कमी पगारात या गोष्टी पूर्ण होऊ शकत नाही याची जाणीव त्या लहान मुलाला होते. त्यामुळे वडिलांचे हे स्वप्न पूर्ण करण्यासाठी हा लहान मुलगा लॉटरी काढून आई वडिलांचे हे स्वप्न पूर्ण करण्याचा प्रयत्न करणाºया या संवेदनशील विषयावर बंपर लॉटरी हा चित्रपट असणार आहे. या चित्रपटात निखिल राउत, संस्कृती बालगुडे, संजय पाटील, रवी फलटणकर, महेश भूतकर, पप्पू गवस, सचिन मोरे या कलाकारांचा समावेश आहे. तर बालकलाकारांच्या भूमिकेत मच्छिंद्र गडकर आणि मृण्मयी सुपल हे कलाकार प्रेक्षकांना पाहायला मिळणार आहे. मकरंद लिंगनूरकर यांनी या चित्रपटाचे दिग्दर्शन केले आहे. निखिल राउत हा काहे दिया परदेस या मालिकेतून प्रेक्षकांना पाहायला मिळाला होता. त्याची या मालिकेतील विकीची भूमिका खूपच गाजली होती. तर संस्कृती ही पिंजरा या मालिकेत झळकली होती. तिने अनेक मराठी चित्रपटदेखील केले आहेत.