Marathi Movies | मराठी चित्रपट | Marathi Cinema News & Gossip in Marathi | Marathi Actress & Actors News | Movie Reviews & Box Office Collection | Songs, Trailers & Videos

'नाद - द हार्ड लव्ह' (Naad The Hard Love Movie) हा नवा कोरा रोमँटिक चित्रपट प्रेक्षकांच्या भेटीसाठी सज्ज आहे. एका हार्ड लव्हस्टोरीला धडाकेबाज अॅक्शनचा तडका देताना सुमधूर संगीताची जोड देण्याचा प्रयत्न 'नाद'मध्ये करण्यात आला आहे. या चित्रपटाच्या मोशन पोस्टरला प्रेक्षकांची पसंती लाभल्यानंतर यातील सुरेल गाणी संगीतप्रेमींच्या भेटीला आली आहेत. 'नाद' हा चित्रपट १८ ऑक्टोबरला संपूर्ण महाराष्ट्रात प्रदर्शित होणार आहे. 'नाद - द हार्ड लव्ह' या चित्रपटाचा संगीत प्रकाशन सोहळा नुकताच मोठ्या थाटात संपन्न झाला. अभिनेत्री शिवाली परब आणि उत्कर्ष शिंदे यांच्या सहजसुंदर सूत्रसंचालनाने नटलेल्या या सोहळ्याला अभिनेते-दिग्दर्शक प्रसाद ओक प्रमुख पाहुणे म्हणून उपस्थित होते. याखेरीज चित्रपटातील प्रमुख कलाकार, तंत्रज्ञ, दिग्दर्शक, लेखक व निर्मातेही हजर होते.यावेळी प्रसाद ओक यांनी 'नाद'च्या संपूर्ण टीम ला पुढील वाटचालीसाठी शुभेच्छा दिल्या. निर्माते संजय पगारे आणि रुपेश दिनकर यांनी शकुंतला क्रिएशन प्रोडक्शन आणि जिजाऊ क्रिएशन मेकरच्या बॅनरखाली 'नाद - द हार्ड लव्ह' चित्रपटाची निर्मिती केली आहे. या चित्रपटाचे निर्मिती व्यवस्थापक रुपाली दिपक पवार आणि वैशाली नितीन पवार आहेत. दिग्दर्शक प्रकाश जनार्दन पवार यांनी दिग्दर्शनाची जबाबदारी यशस्वीरीत्या सांभाळली आहे.'नाद' चित्रपटामध्ये दोन रोमँटिक, एक सॅड आणि एक धमाल नाचो गीत अशी एकूण चार गाणी आहेत. सर्व गाणी संगीतकार पंकज पडघन यांनी संगीतबद्ध केली आहेत. 'डोळ्यांत तूच आहे...' हे विनायक पवार यांनी लिहिलेलं गाणं अभय जोधपूरकर यांनी गायलं आहे. पवार यांनीच लिहिलेलं 'तुझ्यामुळे जिंदगी सपान वाटते रे...' हे रोमँटिक साँग आदर्श शिंदे आणि बेला शेंडे यांच्या सुमधूर आवाजात ध्वनीमुद्रीत करण्यात आलं आहे. 'नादखुळा डान्स करा रे...' हे धमाल गीत वैभव देशमुख यांनी लिहिलं असून, आदर्श आणि आनंद शिंदे यांनी गायलं आहे. 'जीवाचे हाल...' हे या चित्रपटातील दुसरं रोमँटिक साँगही विनायक पवार यांच्याच लेखणीतून अवतरलं असून, या गाण्याला हर्षवर्धन वावरे आणि सायली पंकज या गायकांचे सूर लाभले आहेत. छोट्या पडद्यापासून मोठ्या पडद्यापर्यंत कायम विविधांगी व्यक्तिरेखा साकारत रसिकांच्या मनात आपलं वेगळं स्थान निर्माण केलेला 'देवमाणूस' फेम किरण गायकवाडचं एक नवं रूप 'नाद'मध्ये पाहायला मिळेल. या चित्रपटातील किरणचं अँग्री यंग मॅन शैलीतील रूप प्रेक्षकांची उत्सुकता वाढवणारं आहे. यात किरणच्या जोडीला सपना माने मुख्य भूमिकेत दिसणार आहे. या चित्रपटाद्वारे सपना माने मराठी चित्रपटसृष्टीमध्ये पदार्पण करीत असून यामधून प्रेक्षकांना किरण-सपनाच्या जोडीची अनोखी केमिस्ट्री पाहायला मिळणार आहे. यशराज डिंबळे, तानाजी गालगुंडे, किरण माने, विजय पाटकर, जयवंत वाडकर, कमलेश सावंत, सूरज पवार, विनायक पवार, श्रीकांत गायकवाड, गणेश पदमाळे, आशिष वारंग इ. कलाकारांच्या या चित्रपटात प्रमुख भूमिका आहेत. चित्रपटाची कथा संतोष दाभोळकर आणि दिपक पवार यांनी लिहिली असून, पटकथा व संवादलेखन डॉ. विनायक पवार यांनी केलं आहे. कोरिओग्राफी सिद्धेश दळवीने केली असून, वेशभूषा निगार शेख यांची आहे. सिनेमॅटोग्राफी अमित सिंह यांनी, तर कला दिग्दर्शन सतीश चिपकर यांनी केलं आहे. रमेश शेट्टी या चित्रपटाचे कास्टिंग डायरेक्टर असून, सुजित मुकटे कार्यकारी निर्माते आहेत. आमिरा शेख क्रिएटिव्ह हेड, तर संकेत चव्हाण लाइन प्रोड्युसर आहेत.

सलमान खान

'पुष्पा २' बद्दल अपडेट्स

'सिंघम अगेन'ची हवा

'भूल भूलैय्या ३'ची चर्चा

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

तब्बल १६ मिनिटांचं 'अष्टविनायक महिमा' गाणं कसं सुचलं? सचिन पिळगावकरांनी सांगितला खास किस्सा ...

मराठी सिनेमा :पूजा सावंतच्या घरी गणरायाचं आगमन, संपूर्ण कुटुंबाने केली मनोभावे पूजा, पाहा Photos

मराठी तारे तारकांच्या घरीही बाप्पा विराजमान झाले आहेत. ...

मराठी सिनेमा :देशमुखांच्या घरी बाप्पाचं आगमन; चिमुकल्यांनी केली लाडक्या गणरायाची आरती, नेटकऱ्यांकडून कौतुक

अभिनेता रितेश देशमुखच्या घरी देखील दरवर्षीप्रमाणे यंदाही गणपती बाप्पाचं आगमन झालं आहे. ...

मराठी सिनेमा :सुंदर देखावा तर कोणाची सुरेख वेशभूषा; मराठी सेलिब्रिटींनी शेअर केले लाडक्या बाप्पासोबत Photos

मराठी सिनेमा :Ganeshotsav 2024: मराठी कलाकारांच्या घरी गणपती बाप्पाचं आगमन, शेअर केली झलक

मराठी सिनेमा :"सर्वात कठीण गोष्ट म्हणजे..." लाडक्या लेकाला निरोप देताना निवेदिता सराफ झाल्या भावुक; म्हणाल्या...

निवेदिता सराफ यांनी सोशल मीडियावर शेअर केलेली पोस्ट नेटकऱ्यांच लक्ष वेधून घेत आहे. ...

मराठी सिनेमा :गणेशोत्सवाच्या मुहुर्तावर भूषण प्रधानने आईवडिलांसाठी खरेदी केलं नवं घर, फोटोतून दाखवली झलक

भूषणने नवं घर खरेदी केलं आहे. भूषणने त्याच्या सोशल मीडियावरुन नवीन घराचे काही फोटो शेअर केले आहेत. ...

मराठी सिनेमा :गौतमी पाटीलचं मोठं वक्तव्य, महिलांवर होणाऱ्या अत्याचारांबद्दल म्हणाली…

मराठी सिनेमा :'नाद'चा संगीत प्रकाशन सोहळा संपन्न, सिनेमा या दिवशी येणार भेटीला

Naad Movie : 'नाद - द हार्ड लव्ह' हा नवा कोरा रोमँटिक चित्रपट प्रेक्षकांच्या भेटीसाठी सज्ज आहे. ...