सोशल मीडियावर 'अप्सरा'चे नववधूप्रमाणे नटलेले फोटो,पुन्हा एकदा लग्नाच्या चर्चांना उधाण

मराठमोळी अभिनेत्री आणि रसिकांची लाडकी अप्सरा म्हणजेच सोनाली कुलकर्णी. विविध सिनेमात सोनालीनं भूमिका साकारत रसिकांची मनं जिंकली आहेत. मात्र ...

म�

��ाठमोळी अभिनेत्री आणि रसिकांची लाडकी अप्सरा म्हणजेच सोनाली कुलकर्णी. विविध सिनेमात सोनालीनं भूमिका साकारत रसिकांची मनं जिंकली आहेत. मात्र सध्या सोनालीच्या सिनेमाची चर्चा नसली तरी सोशल मीडियाच्या माध्यमातून ती रसिकांशी संवाद साधत असते.यानिमित्ताने आपल्या लाडक्या अभिनेत्रीशी मनमोकळ्या गप्पा मारण्याची संधी रसिकांना मिळते.मात्र सोशल मीडियावरील सोनालीचे काही फोटो पाहून रसिकांमध्ये वेगळीच कुजबू सुरु झाली आहे.या फोटोंमध्ये सोनालीचा लूक कुणालाही घायाळ करेल असाच आहे.नववधूप्रमाणे नटलेल्या आणि साजश्रृंगार केलेल्या सोनालीचा हा लूक रसिकांनाही तितकाच भावतो आहे.लाल रंगाच्या लेंहग्यामध्ये सोनालीचं सौंदर्यं आणखीनच खुलून गेले आहे.सोनालीचा हा नववधू किंवा ब्रायडल लूक पाहून रसिकांमध्ये तिच्या लग्नाची कुजबूज सुरु झाली. लाडक्या सोनालीचा लूक तर लय भारी मात्र ती लग्न करणार की काय अशा शक्यतेने रसिकांचा विशेषतः तरुणांचा हिरमोड झाला आहे. सध्या सगळीकडे लग्नाचा मौसम सुरु आहे.सर्वसामान्यांसह सेलिब्रिटीमंडळीसुद्धा रेशीमगाठीत अडकत आहेत. गेल्या काही महिन्यांत अनुष्का शर्मापासून ते प्रार्थना बेहेरे तर अमेय वाघ आणि शशांक केतकर असे रसिकांचे लाडके कलाकार लग्नबंधनात अडकले आहेत.त्यामुळेच आता सोनालीलाही लग्नाचे वेध लागले आहेत.आपला विवाह संस्थेवरविश्वास असून मित्र मैत्रिणींकडे पाहून आपल्याला लग्न करावंसं वाटतं असं सोनालीने काही दिवसांपूर्वी सांगितले होते.मात्र हे लग्न जगावेगळे म्हणजे किमान विराट-अनुष्काच्या लग्नाप्रमाणे राजा राणीसारखं असावं असं सोनालीला वाटतंय. एखादा चांगला मुलगा कुणी आयुष्यात आला तर लग्न करु असंही तिने सांगितले होते. त्यामुळे सोशल मीडियावरील सोनालीचे नववधू रुपातील फोटो पाहून तिच्या लग्नाच्या चर्चा रंगल्या आहेत. 



एका ब्राइडल कलेक्शनसाठी सोनालीने हे खास फोटोशूट केले आहे.सोनालीच्या या फोटोंना सोशल मीडियावर खूपच चांगला प्रतिसाद मिळत आहे.सोनाली या फोटोंमध्ये एखाद्या राणीसारखी दिसत असल्याचे तिच्या फॅन्सचे म्हणणे आहे. तिच्या काही फॅन्सने तर चक्क तिची तुलना दीपिका पादुकोण सोबत केली आहे. पद्मावत या चित्रपटात दीपिकाला घेण्याऐवजी तुलाच घ्यायला पाहिजे होते, इतकी तू सुंदर दिसत आहे असे तिच्या एका फॅनने कमेंटमध्ये लिहिले आहे. मराठी चित्रपटसृष्टीतील ती दिवा आहेस असे देखील काहींचे म्हणणे आहे.