"ताई तुझ्याबरोबर काम करणं...",प्राजक्ता माळीने मुक्ता बर्वेसाठी लिहिलेली पोस्ट चर्चेत

प्राजक्ता सध्याच्या घडीला अनेक गाजलेल्या चित्रपटांमध्ये झळकत आहे. तिने मुक्तासाठी लिहिलेली खास पोस्ट सोशल मीडियावर चर्चेत आली आहे.

अभिनेत्री प्राजक्ता माळी(prajakta mali) हे नाव सध्याच्या घडीला कोणत्याही व्यक्तीसाठी नवीन नाही. मालिकांपासून करिअरची सुरुवात करणारी प्राजक्ता सध्याच्या घडीला अनेक गाजलेल्या चित्रपटांमध्ये झळकत आहे. सध्या प्राजक्ता तिच्या रानबाजार या वेबसीरिजमुळे चर्चेत येत आहे. या सीरिजमध्ये पहिल्यांदाच प्राजक्ताचा बोल्ड अंदाज पाहायला मिळाला. आता लवकरच ती 'वाय' सिनेमात झळकणार आहे. सध्या तिची एक पोस्ट सोशल मीडियावर व्हायरल होतेय.

'वाय'सिनेमात प्राजक्ता अभिनेत्री मुक्ता बर्वे(Mukta Barve))सोबत स्क्रिन शेअर करताना दिसणार आहे. प्राजक्ताने मुक्तासाठी लिहिलेली खास पोस्ट सोशल मीडियावर चर्चेत आली आहे. प्राजक्ताने मुक्तासोबतचा फोटो शेअर करत लिहिले, मूक्ता ताई - तूझ्याबरोबर काम करण्याची; त्यानिमित्ताने तुझ्याबरोबर वेळ घालवण्याची संधी “Y” चित्रपटामुळे मिळाली. प्राजक्ताने मुक्तासाठी लिहिलेली ही पोस्ट सोशल मीडियावर चर्चेत आली आहे. 

अजीत सूर्यकांत वाडीकर दिग्दर्शित ‘Y’ हा चित्रपट उद्या 24 जूनला प्रेक्षकांच्या भेटीस येत आहे. सोशल मीडियावर या चित्रपटाची जोरदार चर्चा पाहायला मिळत आहे. प्राजक्ता आणि मुक्तासह यात संदीप पाठक, नंदू माधव, सुहास शिरसाट, प्रदीप भोसले आणि ओमकार गोवर्धनही या चित्रपटात दिसणार आहेत. 

हा चित्रपट सत्य घटनांवर आधारित असून, मराठीत पहिल्यांदाच असा हायपरलिंक थरार प्रेक्षकांना अनुभवायला मिळणार आहे. पहिल्या पोस्टरपासूनच खरंतर या चित्रपटाने सगळ्यांचे लक्ष वेधून घेतले होते. अनेक चित्रपटगृहांमध्ये दिसणाऱ्या स्टँडीज मुळेही ‘वाय’ या चित्रपटाबद्दलची उत्सुकता अधिकच वाढली आहे.