प्रार्थना बेहरेला लागली लॉटरी

मराठी चित्रपटसृष्टीतील  अशोक सराफ, सचिन पिळगावकर, महेश मांजरेकर, महेश कोठारे असे अनेक दिग्गज कलाकार असो. या कलाकारांसोबत काम करण्यास ...

म�

��ाठी चित्रपटसृष्टीतील  अशोक सराफ, सचिन पिळगावकर, महेश मांजरेकर, महेश कोठारे असे अनेक दिग्गज कलाकार असो. या कलाकारांसोबत काम करण्यास प्रत्येक कलाकार उत्सुक असतो. त्याचप्रमाणे या कलाकारांसोबत त्यांना काम करण्याची संधी मिळाली तर समजा, त्यांच्या करिअरला चार चाँदच लागले. अशीच काहीशी परिस्थिती अभिनेत्री प्रार्थना बेहरेची झाली असल्याची पाहायला मिळत आहे. कारण ती लवकरच आपल्या अभिनयाने प्रेक्षकांच्या मनावर राज्य करणारा अभिनेता सचिन पिळगावकर यांच्यासोबत एका आगामी चित्रपटात झळकणार असल्याचे कळत आहे. या चित्रपटात आणखी कोण कलाकार असणार आहे हे अदयापदेखील समजले नाही. तसेच या चित्रपटाचे नावदेखील गुलदस्त्यात आहे. त्याचप्रमाणे तिचा फुगे हा चित्रपट प्रदर्शनासाठीदेखील सज्ज झाला आहे. या चित्रपटात तिच्यासोबत अभिनेता स्वप्नील जोशी आणि सुबोध भावे झळकणार आहे. तिच्या या चित्रपटाची चर्चादेखील चांगलीच रंगू लागली आहे. रत्ना जोशी वाघमारे दिग्दर्शित तिचा हा चित्रपट आहे. त्यामुळे प्रार्थना बेहरेला यंदा लॉटरी लागली आहे असे म्हणण्यास हरकत नाही. तसेच नुकताच तिचा वजह तुम हो हा बॉलिवुड चित्रपट प्रदर्शित झाला आहे. तसेच ती बॉडीगार्ड या चित्रपटातदेखील पाहायला मिळाली होती. प्रार्थनाने यापूर्वी मराठी चित्रपटसृष्टीला मितवा, मायलेक, रिटा, कॉफी बरचं काही, मिस्टर अ‍ॅण्ड मिसेस सदाचारी, जय महाराष्ट्र ढाबा भटिंडा असे अनेक सुपरहीट चित्रपट दिले आहेत. तिने नेहमीच हिंदी मालिका, हिंदी आणि मराठी चित्रपटाच्या माध्यमातून प्रेक्षकांच्या मनामध्ये जागा निर्माण केली आहे. तसेच आता ती यंदाचे नवीन वर्षदेखील गाजविणार असे पाहायला मिळत आहे.