या मानसाचा 'साधेपना'...कडकडीत सलाम रतन टाटा. लब्यू, मराठी अभिनेत्याची पोस्ट व्हायरल

TATA समूहाचे सर्वेसर्वा आणि दिग्गज उद्योगपती म्हणून जगात नाव असलेल्या रतन टाटा (Ratan Tata) यांनी अत्यंत साधेपणाने त्यांचा वाढदिवस साजरा केला.

TATA समूहाचे सर्वेसर्वा आणि दिग्गज उद्योगपती म्हणून जगात नाव असलेल्या रतन टाटा (Ratan Tata) यांनी अत्यंत साधेपणाने २८ डिसेंबर रोजी वाढदिवस साजरा केला. यावेळी एक कप केक कापतानाचा व्हिडिओ सोशल मीडियावर प्रचंड व्हायरल होत आहे.त्यांच्या साधेपणाचे सोशल मीडियावर खूप कौतुक झाले. रतन टाटा यांचा वाढदिवसाचा व्हिडीओ पाहिल्यानंतर अभिनेता किरण माने  (kiran mane) याने लिहिलेली पोस्ट चर्चेत आलीय. 

किरण मानने टाटांच्या वाढदिवसाचा फोटो शेअर करत लिहिले, खरंय..खरंय.. या महान माणसाच्या या कृतीनं खरंच लै जनांच्या सनसनीत कानफाडीत मारलेली हाय या ठिकानी...!

...परवाच माझ्या एका मित्रानं त्याच्या शुटिंग सेटवरच्या प्राॅडक्शन कंट्रोलरचा वाढदिवस साजरा करतानाचा व्हिडीओ शेअर केला होता.. "किरण, आम्ही कस्लं एंजाॅय केलं बघ." म्हन्ला.. चाळीस-बेचाळीस केक आणून त्यात बचाबचा हात बुडवून एकमेकांच्या तोंडावर थापन्याची अक्षरश: रंगपंचमी चालली होती ! सगळ्या परीसरात पडणारा केकचा सडा..मूठमूठभर क्रीम हात घेऊन एकमेकांमागे चाललेली पळापळी.. केकची फेकाफेकी बघून संताप येत होता.. बरं, ज्याचा वाढदिवस साजरा होत होता, त्याचं कर्तृत्व, त्याची लायकी, त्याचं 'कॅरॅक्टर', त्याची नैतीकता अशी आहे की त्याची वाढदिवसादिवशी खेटरानं पूजा केली तरी कमी हाय !!! त्याचवेळी एका गल्लीतल्या एका सडकछाप गावगुंडानं तलवारीनं केक कापल्याचा एक फोटो बघूनबी संताप येत होता.. असो.

..आपन या व्हीडीओबद्दल बोलूया. यात दिसनारा ह्यो मानूस साधासुधा नाय... ह्यानं चाळीस कोटी केक कापले तरी कमीच हाय यवढं याचं काम हाय... 'टाटा उद्योगसमूहाला' नवी दिशा देनार्‍या या मानसाचा 'साधेपना' भल्याभल्यांना थक्क करनारा हाय भावांनो.. ल्हानपनीपास्नंच यानं 'आपन जमशेदजी टाटा यांचे नातू आहोत' असा आव आनला नाय... 'टाटा' हे आपलं फक्त आडनांव हाय, आपन आपल्या सोत्ताच्या बळावर उभं र्‍हायचं या विचारानं झपाटलेला ह्यो गडी ! आर्किटेक्ट होन्यासाठी जवा अमेरीकेला गेला तवा तिथं शिक्षन आनि उमेदवारीच्या दहा वर्षांत या अवलीयानं हाटेलात भांडी घासन्यापास्नं, कारकुनाच्या नोकरीपर्यंत जे जमंल ते केलं !!

परत आल्यावर 'टाटा समूहा'त दाखल व्हायच्या आधी जमशेदपूरच्या 'टाटा स्टील'मध्ये या पठ्ठ्यानं कोळशाची पोती पाठीवरनं वहान्यापास्नं ते धगधगत्या भट्टीपाशी काम करण्यापर्यंतचे सर्व अनुभव घेतल्यानंतरच कंपनीची धूरा हातात घेतली... त्यानंतर त्यानं काय केलं ते मी हितं सांगायची गरजच नाय... नेल्को वर आनन्यापास्नं ते जग्वार आन् लॅंडरोव्हर इकत घेन्यापर्यन्तचा इतीहास भुगोल जगाला म्हायतीय... बापजाद्यांची एकेक प्राॅपर्टी इकून थयाथया नाचनार्‍या भुरट्यांची सद्दी असताना, आधीपास्नं असलेल्यात भर घालून नव्या भरीव गोष्टी इकत घेनारा ह्यो मानूस मोलाचा ठरतो, तो यासाठीच !

...तर सांगायचा मुद्दा ह्यो की, कालच या मानसानं वयाचा ८४ वा बर्थ डे असा साजरा केला ! हे पाहुन, या ठिकानी आपन सगळ्यांनी सोत्ताला एक मुस्काडात नाय मारून घेतली तरी हरकत नाय.. पन यातनं कायतरी शिकूया, हीच अपेक्षा ! कडकडीत सलाम रतन टाटा. लब्यू 

अभिनेते किरण माने (kiran mane ) सोशल मीडियावर प्रचंड अ‍ॅक्टिव्ह असतात. किरण माने सध्या ‘मुलगी झाली हो’ (Mulgi Zali Ho) या मालिकेत विलास पाटील ही भूमिका साकारत आहेत.त्यांची ही भूमिका लोकांनी इतकी डोक्यावर घेतली की, लोक त्यांना आताश: विलास पाटील याच नावानं ओळखू लागले आहेत.