​रवी जाधव यांचा नवा चित्रपट रंपाट

रवी जाधव अनेक वर्षं जाहिरात क्षेत्रात होते. पण त्यानंतर त्यांनी हे क्षेत्र सोडून ते मराठी इंडस्ट्रीकडे वळले. त्यांच्या नटरंग ...

र�

��ी जाधव अनेक वर्षं जाहिरात क्षेत्रात होते. पण त्यानंतर त्यांनी हे क्षेत्र सोडून ते मराठी इंडस्ट्रीकडे वळले. त्यांच्या नटरंग या पहिल्याच चित्रपटाने बॉक्स ऑफिसवर चांगलाच गल्ला जमवला. या चित्रपटाला अनेक पुरस्कारांनी गौरवण्यात आले. या चित्रपटातील वाजले की बारा आणि अप्सरा आली ही गाणी तर प्रचंड गाजली होती. त्यानंतर त्यांनी दिग्दर्शित केलेले बालगंधर्व, बालक-पालक, टाईमपास, टाईमपास २ यांसारखे सगळेच मराठी चित्रपट बॉक्स ऑफिसवर हिट ठरले. 
मराठी चित्रपटांमध्ये मिळालेल्या यशानंतर रवी जाधव हिंदी चित्रपट सृष्टीकडे वळले. त्यांनी गेल्या वर्षी बँजो या हिंदी चित्रपटाचे दिग्दर्शन केले. त्यांच्या या चित्रपटाचे देखील समीक्षक आणि प्रेक्षकांनी कौतुक केले होते. रवी जाधव हे खूप चांगले दिग्दर्शक असल्याने त्यांचा आगामी चित्रपट कोणता असणार याची प्रेक्षकांना नेहमीच उत्सुकता लागलेली असते. त्यांनी नुकतीच त्यांच्या नव्या चित्रपटाची घोषणा केली आहे. त्यांच्या आजवरच्या सगळ्याच चित्रपटांची नावे खूपच युनिक आहेत. त्याचप्रमाणे त्यांच्या नव्या चित्रपटाचे नाव आगळे वेगळे असून या चित्रपटावर ते लवकरच काम करायला सुरुवात करणार आहेत. रंपाट असे त्यांच्या नव्या चित्रपटाचे नाव आहे.



रंपाट या चित्रपटाचे पोस्टर नुकतेच रवी जाधव यांनी सोशल मीडियावर शेअर केले आहे. या पोस्टरमध्ये रंपाटवरील अनुस्वारामध्ये आपल्याला हार्ट पाहायला मिळत आहे. त्यावरूनच हा चित्रपट रोमँटिक चित्रपट असावा याची कल्पना येत आहे.
रंपाट या चित्रपटाची निर्मिती झी स्टुडिओ आणि रवी जाधव मिळून करणार आहेत. रवी जाधव त्यांच्या या नव्या प्रोजेक्टसाठी खूपच उत्सुक असल्याचे कळतेय. या चित्रपटात कलाकार कोण असणार किंवा या चित्रपटाची कथा काय असणार याबाबत चित्रपटाच्या निर्मात्यांनी मौन राखणेच पसंत केले आहे.
रवी जाधव यांनी दिग्दर्शन करण्यासोबतच अभिनय क्षेत्रात देखील आपले भाग्य आजमावले आहे. त्यांनी कच्चा लिंबू या चित्रपटात मुख्य भूमिका साकारली होती. या भूमिकेचे चांगलेच कौतुक झाले होते. 

Also Read : रवी जाधव का म्हणतोय 'जवाब दो'?वाचा सविस्तर