Ved Movie Box Office Collection Day 9: मायबाप प्रेक्षकांचे प्रेम पाहून रितेश-जिनिलिया भारावले, ‘वेड’ची नवव्या दिवशी छप्परफाड कमाई

Ved Marathi Movie Box Office Collection Day 9 : रितेश देशमुख आणि जिनिलिया देशमुख यांचा ‘वेड’ हा मराठी सिनेमा प्रेक्षकांनी अक्षरश: डोक्यावर घेतला आहे.

Ved Movie Box Office Collection Day 9: रितेश देशमुख आणि जिनिलिया देशमुख (Riteish Deshmukh and Genelia Deshmukh ) यांचा ‘वेड’ हा मराठी सिनेमा प्रेक्षकांनी अक्षरश: डोक्यावर घेतला आहे. होय, आठवडाभरापासून हा सिनेमा बॉक्स ऑफिसवर धुमाकूळ घालतोय. आठवड्यानंतरही हा सिनेमा गर्दी खेचतोय आणि प्रेक्षकांचा उत्स्फूर्त प्रतिसाद पाहून रितेश व जिनिलिया भारावून गेले आहेत. त्यांनी मायबाप प्रेक्षकांचे मनापासून आभार मानले आहेत.

‘वेड’ हा जिनिलिया व रितेश दोघांसाठीचाही खास सिनेमा. रितेशने या सिनेमाद्वारे दिग्दर्शन क्षेत्रात पदार्पण केलंय. त्याअर्थाने या सिनेमाकडे सगळ्यांचं लक्ष लागलं होतं. जिनिलियाचा हा पहिलाच मराठी सिनेमा असल्याने सर्वांचं लक्ष या सिनेमातील वहिनीसाहेबांच्या अभिनयाकडे लागलं होतं. जिनिलिया व रितेश दोघांनीही प्रेक्षकांना खुश्श केलं आहे.

बॉक्स ऑफिसवर त्याचे परिणाम दिसत आहेत. 9 व्या दिवशीही या जोडप्याचा ‘वेड’ लोकांना वेड लावतोय. तूर्तास ‘वेड’च्या 9 व्या दिवशीच्या कमाईचे आकडे समोर आले आहेत.

पहिल्या आठवड्यात आठवड्याभरामध्ये या चित्रपटाने जबरदस्त कमाई केली आहे.  चित्रपटाने प्रदर्शनाच्या पहिल्या दिवशी 2 कोटी 25 लाख रुपये कमाई केली. तर दुसऱ्या दिवशी 3.25 कोटी कमावले. तिसऱ्या दिवशी 4.50 कोटी, चौथ्या दिवशी 3.02 कोटी, पाचव्या दिवशी 2.65 कोटी, सहाव्या दिवशी 2.55 कोटी, सातव्या दिवशी 2.45 कोटींची कमाई केली. आठव्या दिवशी 2.52 कोटींचा गल्ला जमवला. नवव्या दिवशी या सिनेमाने पहिल्या दिवशीपेक्षा दुप्पट म्हणजे सुमारे 5 कोटींचा गल्ला जमवला आहे. नवव्या दिवशीच्या कमाईचा आकडा समोर यायचाय. त्यामुळे ही कमाई थोडी फार कमी जास्त होऊ शकते.

View this post on Instagram

A post shared by Riteish Deshmukh (@riteishd)

नवव्या दिवशीच्या या कमाईने मराठी चित्रपटसृष्टी आनंदात आहे. रितेश आणि जिनिलिया तर खुश्श आहेत. पहिल्या आठवड्यातील प्रतिसाद बघता दोघांनी प्रेक्षकांचे आभार मानले आहेत. 

रितेश-जिनिलियासह‘वेड’ या सिनेमात अशोक सराफ, विद्याधर जोशी, शुभंकर तावडे आणि जिया शंकर हे कलाकारदेखील मुख्य भूमिकेत आहेत. तसेच बॉलिवूडचा भाईजान सलमान खानची  झलकदेखील प्रेक्षकांना पाहायला मिळत आहे.