Ved Tujha Satya and Shravani's romantic version: ‘वेड तुझा’चं नवं व्हर्जन रिलीज...; हे गाणं पाहून पुन्हा एकदा सत्या-श्रावणीच्या प्रेमात पडाल

Riteish Deshmukh & Genelia Deshmukh, Ved Tujha (Satya & Shravani) : रितेश देशमुख-जिनिलीयाचं नवीन रोमँटीक गाणं प्रेक्षकांच्या भेटीला...पाहून तुम्हीही म्हणाल, व्वा..नादखुळा...!!

अभिनेता रितेश देशमुख (Riteish Deshmukh ) आणि अभिनेत्री जिनिलिया देशमुख ( Genelia Deshmukh) यांच्या 'वेड'ने  बाॅलिवूड चित्रपटांना मागे टाकत बॉक्स ऑफिसवर अक्षरश: धुमाकूळ घातला आहे. साऊथच्या सिनेमाचा रिमेक असला तरी हा सिनेमा प्रेक्षकांच्या पसंतीत उतरला आहे. चित्रपटावर प्रेक्षकांच्या उड्या पडत आहेत आणि आता 'वेड'च्या चाहत्यांसाठी आणखी एक आनंदाची बातमी आहे. ‘वेड तुझा’चं नवं व्हर्जन Ved Tujha (Satya & Shravani) रिलीज झालं आहे.

होय, रितेश देशमुखने काही दिवसांपूर्वीच या चित्रपटाबद्दल एक मोठी घोषणा केली होती. या चित्रपटाचं नवं व्हर्जन लवकरच प्रेक्षकांच्या भेटीला येणार असल्याचं त्याने म्हटलं होतं.  सत्या आणि श्रावणीवर एक राेमॅन्टिक गाणं शूट करून ते नव्यानं चित्रपटात समाविष्ट करण्यात येणार होतं.  सत्या आणि श्रावणीवर चित्रीत या गाण्याची एक छोटीशी झलक तुम्ही पाहिली असेलच. आता हे अख्ख गाणं रिलीज करण्यात आलं आहे.

वेड’ चित्रपटातील ‘वेड तुझा’ हे गाणं बरंच गाजलं. पण या चित्रपटात रितेश आणि जिनिलीया यांच्यावर एकही रोमँटीक गाणं चित्रित करण्यात आलं नाही अशी खंत अनेक प्रेक्षकांनी व्यक्ती केली होती. म्हणूनच रितेशने ‘वेड तुझा’चं नवीन व्हर्जनचा चित्रपटात समावेश करण्याचा निर्णय घेतला. हेच गाणं काही क्षणांपूर्वी रिलीज झालं आहे. रितेशने एक पोस्ट करत याबद्दलची माहिती दिली आहे. या पोस्टवर चाहत्यांनी भरभरून कमेंट्स केल्या आहेत. आम्ही याचीच वाट बघत होतो..., असं एका चाहत्याने म्हटलं आहे.

 
'वेड'ची कमाई
तीन आठवड्यातच या सिनेमानं ५० कोटींचा गल्ला जमवला. आता चौथ्या आठवड्यातही 'वेड'ची घोडदौड सुरूच आहे. रिलीजच्या २४ व्या दिवशीही या चित्रपटाने रेकॉर्डब्रेक कमाई केली आहे.

'वेड' ३० डिसेंबरला प्रदर्शित झाला होता. पहिल्याच दिवशी या चित्रपटाने २ कोटी २५ लाखांचा गल्ला जमवला. त्यानंतर पहिल्या आठवड्यात २० कोटींचा पल्ला गाठला. दुसऱ्या आठवड्याच्या शेवटी चित्रपटाने ४० कोटींचा टप्पा पार केला आणि तिसऱ्या आठवड्याच्या शेवटी चित्रपटाने तब्बल ५० कोटींची कमाई केली. ाचौथ्या आठवड्यात 'वेड'ची कमाई ५५.२२ कोटींवर पोहोचली आहे. प्रदर्शनाच्या २४ व्या दिवशीही २२ जानेवारी रविवार या चित्रपटाने जबरदस्त कमाई केली.  रविवारी  चित्रपटाने तब्बल १ कोटी ७० लाखांचा िबझनेस केला. याचसोबत 'वेड' ची एकूण कमाई ५५. २२ कोटींवर पोहोचली आहे.