सैराट फेम रिंकू राजगुरू सध्या करतेय काय?

स�

��राट या चित्रपटाच्या यशानंतर रिंकू राजगुरूचे असंख्य चाहते बनले आहेत. रिंकूची एक झलक पाहाण्यासाठी ते कित्येक तास तातकळत उभे राहायला तयार असतात. 
प्रेक्षकांची लाडकी रिंकू गेली कित्येक दिवस मीडियापासून दूर आहे. त्यामुळे ती सध्या काय करतेय हा प्रश्न तिच्या सगळ्या चाहत्यांना पडला आहे. रिंकू कित्येक दिवसांपासून दाक्षिणात्य चित्रपटाच्या चित्रीकरणात व्यग्र असल्याने ती मीडियात झळकत नाहीये.
रिंकू राजगुरू सैराट या तिच्या पहिल्याच चित्रपटामुळे एक प्रसिद्ध अभिनेत्री बनली. सैराट या चित्रपटाच्या यशानंतर या चित्रपटाचा कन्नड रिमेक बनवण्यात येणार आहे. या चित्रपटाचे नाव मनसू मल्लिगे असे असून या चित्रपटाचे चित्रीकरण नुकतेच पूर्ण झाले आहे. या चित्रपटाचे पोस्ट प्रोडक्शनचे काम सध्या सुरू असून हा चित्रपट 9 फेब्रुवारीला प्रेक्षकांच्या भेटीस येणार आहे. 


सैराट या चित्रपटातील रिंकू राजगुरूच्या कामाचे सगळ्यांनीच कौतुक केले होते. त्यामुळे या चित्रपटाच्या कन्नड रिमेकमध्येदेखील रिंकूनेच प्रमुख भूमिका साकारावी असे या चित्रपटाचे दिग्दर्शक एस.नारायण आणि निर्माते रोकलिन व्यंकटेश यांचे म्हणणे होते. त्यामुळे या कन्नड चित्रपटासाठी मराठमोळ्या रिंकूचीच निवड करण्यात आली.  
रोकलिन यांनी सैराट या चित्रपटाचे सगळ्या दाक्षिणात्य भाषेत रिमेक करण्याचे हक्क घेतलेले आहेत. 
आता कन्नड रिमेकचे चित्रीकरण झाल्यानंतर काही दिवस तरी रिंकू कोणत्याच चित्रपटात काम करणार नाहीये. कारण ती परीक्षेची तयारी करणार आहे. ती सध्या दहावीला असल्याने तिने काही काळ तरी अभ्यासावर लक्ष केंद्रित करण्याचे ठरवले अाहे. त्यामुळे काही महिने तरी ती चित्रपटांपासून दूर राहाणार आहे. रिंकूने 17 नंबरचा फॉर्म भरला असून, ती घरी अभ्यास करून बाहेरून परीक्षा देणार आहे.
रिंकू परीक्षेनंतर सैराटचे दिग्दर्शक नागराज मंजुळेंच्या पुढील चित्रपटाचे चित्रीकरण करणार आहे. या चित्रपटानंतरच ती इतर चित्रपटांचा विचार करणार असल्याचे कळतेय.