‘एक अलबेला’त विद्याची खास फर्माइश
By ऑनलाइन लोकमत | Published: June 22, 2016 06:37 AM2016-06-22T06:37:34+5:302016-06-22T12:07:34+5:30
अभिनेत्री म्हटलं की फर्माइशी करणं स्वभावातच आलं आणि त्यात ...
‘एक अलबेला’त विद्याची खास फर्माइश
Next अभिनेत्री म्हटलं की फर्माइशी करणं स्वभावातच आलं आणि त्यात जर ती हिंदी अभिनेत्री असेल तर भाव थोडा जास्तच. या सगळ्यात गळचेपी होते, ती दिग्दर्शकाची. चित्रपटाचा गाडा ओढण्यात अभिनेत्रीचा मूड सांभळणं सगळ्यात मोठं आव्हान असतं. विद्या बालन या हिंदी सिनेसृष्टीतील अभिनेत्रीचा असाच काहीसा मूड सांभाळला ‘एक अलबेला’ या चित्रपटाचे दिग्दर्शक शेखर सरतांडेल यांनी. तर विद्या बालन या अभिनेत्रीची फर्माइश होती तरी काय? भगवान दादांच्या जीवनावर आधारीत एक अलबेला या सिनेमात भगवान दादांचा पहिला सोशल सिनेमा अलबेला जो सुपरहिट झाला होता, त्या चित्रपटाचा प्रवास दाखवण्यात आला आहे. यानिमित्ताने या चित्रपटातील तीन गाणी ही पुन्हा रेकॉर्ड करण्यात आली आहेत.
तर श्याम ढले खिडकी तले हे गाणे या चित्रपटाच्या निमित्ताने आपण पुन्हा रेकॉर्ड करणार आहोत का? अशी विचारणा विद्या बालनकडून झाली असता दिग्दर्शकांनी नाही असे उत्तर दिले आणि तेव्हा श्याम ढले हे विद्याचे आवडते गाणे असल्याचे तिने सांगितले. केवळ तिच्या सांगण्यावरून एक अलबेला या चित्रपटात श्याम ढले खिडकी तले या गाण्याची झलक दाखवण्यात आली आहे. तर विद्याच्या सांगण्यावरून का होईना, या अप्रतिम गाण्याचा आनंद आपल्या सगळ्यांनाच घेता येणार आहे. येत्या २४ जूनलामंगलमूर्ती फिल्मस् आणि किमया मोशन पिक्चर्स यांचा हा ‘एक अलबेला’ चित्रपट सर्वत्र प्रदर्शित होत आहे.