आता येणार चीटरच्या पाट्या

  

               पुणेरी पाट्या या तर आता जगभरात प्रसिद्ध आहेतच. बरेच लोक पुणेरी पाट्यांवर जोक्स करतात तर अगदी सोशल साईट्सवर बिनधास्तपणे या पाट्या सगळीकडे फिरताना दिसतात. पुण्यात आलेल्या माणसाला एकतरी भन्नाट पुणेरी पाटी दिल्याशिवाय राहतच नाही. आता हे झाले पुणेरी पाट्यांबद्दल, या पुणेरी पाट्या काय कमी होत्या म्हणुन त्यांच्या जोडीला आता चीटरच्या पाट्या येणार आहेत. या चीटरच्या पाट्या सगळीकडे झळकू देखील लागल्या आहेत. सोशल नेटवर्कींग साईट्सवर तुम्ही काहीही टाका त्या गोष्टी लोकांपर्यंत अगदी क्षणार्धात पोहचतात. असेच काही झाले आहे चीटरच्या या पाट्यांबद्दल. ऋषीकेश जोशींचा चीटर लुकमधील एक फोटो सध्या सोशल साईट्सवर झळकत असुन या फोटोच्या बाजुलाच एक पाटी तुम्हाला दिसेल. त्या पाटीवरचा मजकुर एवढा इंटरेस्टींग अन लक्षवेधी आहे की हे फोटो पाहताना त्या पाटीवर नजर गेल्याशिवाय राहतच नाही. तर त्या पाटीवर एका गाडीचे चित्र आहे अन त्या गाडीच्या विंडोवर लिहीले आहे. मला एकदा पुसा नाहीतर विका. आता ही अस्सल पुणेरी भाषा आपल्याला चीटरच्या पाट्यांमध्ये देखील पहायला मिळत आहे. या चीटरच्या पाट्या केवळ प्रमोशन पुरत्याच मर्यादित आहेत की आपल्याला त्या चित्रपटातही पहायला मिळणार हे तर लवकरच समजेल.