Ved Marathi Movie : एकतर्फी प्रेमाची गोष्ट; रितेश जेनेलियाच्या 'वेड'चे ट्रेलर प्रदर्शित

रितेश आणि जेनेलियाची रिअल लाईफ जोडी बऱ्याच काळानंतर रील लाईफ मध्येही बघायला मिळणार आहे. 

Ved Marathi Movie : लोकप्रिय मराठमोळी रितेश देशमुख (Rietesh Deshmukh)आणि जेनेलियाचा (Genelia) सिनेमा 'वेड' चा ट्रेलर प्रदर्शित झाला आहे. एकतर्फी प्रेम आणि त्यातलं वेड असा एकंदर सिनेमाचा विषय आहे. रितेश आणि जेनेलियाची रिअल लाईफ जोडी बऱ्याच काळानंतर रील लाईफ मध्येही बघायला मिळणार आहे. 

एकतर्फी प्रेमाची गोष्ट

वेड मध्ये एकतर्फी प्रेमाची गोष्टच मांडण्यात आल्याचे दिसते. रितेशचा गंभीर (Intense) लुक चाहत्यांच्या पसंतीस पडत आहे. एकतर्फी प्रेम, विरह, नवरा बायकोमधील नातं चित्रपटातून मांडले आहे.  जेनेलियाला पहिल्यांदाच मराठी बोलताना पाहून चाहते खुश झालेत.  चित्रपटातील गाणी, रितेश जेनेलियाची जोडी, जिया शंकरसोबत रितेशची केमिस्ट्री बघून चाहत्यांना सिनेमाच्या ट्रेलरची प्रचंड उत्सुकता होती. आता ट्रेलर प्रदर्शित झाला असून काही मिनिटातच हजारो व्ह्युज मिळाले आहेत. चित्रपटातील आणखी एक सरप्राईज ते म्हणजे अभिनेते अशोक सराफ यांचे. त्यांचीही ट्रेलरमध्ये झलक दिसत आहे. 

आज मुंबईत वेड सिनेमाचे ट्रेलर लॉंचिंग पार पडले. यावेळी सिनेमाची टीम खुपच उत्साहात दिसत होती. जेनेलिया देशमुख पिवळ्या रंगाची साडी नेसून ट्रेलर लॉंचला पोहोचली तर सोबत रितेशही कुल लुक मध्ये दिसत होता. अभिनेत्री जिया शंकर आणि रितेश जेनेलियाचा मित्रपरिवार ट्रेलर लॉंचला हजर होता. सर्वांनी माध्यमांना पोज देत धमाल केलेली दिसली.

View this post on Instagram

A post shared by Lokmat Filmy (@lokmatfilmy)

'वेड' हा सिनेमा ३० डिसेंबर रोजी चित्रपटगृहात प्रदर्शित होणार आहे. वेड मधून रितेशने दिग्दर्शनात पाऊल ठेवले आहे तर जेनेलिया पहिल्यांदाच मराठी सिनेमात काम करत आहे.