Video : भररस्त्यात एक माईकवरून भरत जाधव आणि गौरव मोरेमध्ये झालं भांडण, व्हिडीओ व्हायरल

लंडनच्या रस्त्यावर भरत जाधव माईकवर गाणं गात असतो तितक्यात तिथं गौरव मोरे येते अन्...

महाराष्ट्राची हास्यजत्रा या कार्यक्रमातील एक हरहुन्नरी कलाकार आणि ‘फिल्टर पाड्याचा बच्चन’ म्हणजे गौरव मोरे. सध्या गौऱ्या म्हणजे चाहत्यांचा लाडका कलाकार. त्याच्या अभिनयाचे असंख्य चाहते आहेत.‘माझिया प्रियाला प्रीत कळेना’ या मालिकेतून त्यानं मालिकाविश्वात पदार्पण केलं. या मालिकेत तो विनोदी भूमिका करत होता. पण त्याला खरी ओळख मिळाली ती महाराष्ट्राची हास्यजत्रामधून. यानंतर गौरवने कधीच मागे वळून पाहिले नाही. गौरवाचं मराठी चित्रपट आणि मालिकेतील त्याचं काम पाहून हिंदी चित्रपटसृष्टीतही त्याला संधी मिळाली. संजू, कामयाब, झोया फॅक्टर या चित्रपटातील त्याच्या कामाची चांगली वाहवा झाली. सध्या गौरव त्याच्या आगामी सिनेमाच्या शूटिंगसाठी लंडनमध्ये गेला आहे. लंडनमधील त्याचा एक व्हिडीओ सोशल मीडियावर चर्चेत आला आहे.

गौरव मोरने महाराष्ट्राची हास्यजत्रा कार्यक्रमातून ब्रेक घेऊन आपला आगामी चित्रपटाचे शूटिंग करतोय. यात त्याच्यासोबत अभिनेता भरत जाधवसुद्धा दिसणार आहे. लंडनच्या रस्त्यावरील एक व्हिडीओ अभिनेता निखिल चव्हाणाने सोशल मीडियावर शेअर केला आहे. 

View this post on Instagram

A post shared by Nikkhhil Chavaan (@nikkhhil_29)

या व्हिडीओमध्ये गौरव निखिल चव्हाण, भरत जाधवसह ‘ए मेरी जोहरा जबी’ गाणं गाताना दिसत आहेत. आधी फक्त भरत जाधवच माईकवर गाणं गात असतात. त्यानंतर निखिल, गौरवची एण्ट्री होते आणि गाणं गाण्यासाठी तिघंही भांडू लागतात. हा मजेशीर व्हिडीओ सध्या सोशल मीडियावर वेगाने व्हायरल होत आहे.