विद्या बालन मराठमोळ्या छाया कदम यांच्या प्रेमात!

Chhaya Kadam: झुंड, कौन प्रवीण तांबे, गंगूबाई काठियावाडी, सिंघम रिटर्न्स, सायेरिक अशा अनेक हिंदी मराठी सिनेमांमध्ये छाया कदम यांनी विविधांगी भूमिका साकारल्या आहेत.

झुंड, कौन प्रवीण तांबे, गंगूबाई काठियावाडी, सिंघम रिटर्न्स, सायेरिक अशा अनेक हिंदी मराठी सिनेमांमध्ये छाया कदम यांनी विविधांगी भूमिका साकारल्या आहेत. भूमिका कुठलीही असो त्या प्रत्येक भूमिकेत अगदी फिट्ट बसतात. त्यांच्या कामाची प्रशंसा बॉलिवूड अभिनेत्री विद्या बालन हिनेदेखील केली आहे. नुकत्याच झालेल्या फक्त मराठी सिने सन्मान २०२२ या पुरस्कार सोहळ्यात बॉलिवूड अभिनेत्री विद्या बालनने हजेरी लावली होती. 

आपल्या दमदार अभिनयाने संपूर्ण देशाला आपल्या प्रेमात पाडणारी अभिनेत्री विद्या बालन मात्र एका मराठमोळ्या अभिनेत्रींच्या प्रेमात आहे. फक्त मराठी सिने सन्मान सोहळ्याच्या दरम्यान विद्या बालन हिने अभिनेत्री छाया कदम यांना भेटून त्यांच्या अभिनयाचे कौतुक केले. सोहळ्यात रेड कार्पेटवर फोटो काढण्यासाठी येत असताना विद्या बालन यांनी अभिनेत्री छाया कदम यांना पाहिले. फोटोसाठी न जाता छाया कदम यांच्या समोर उभे राहत विद्या बालनने त्यांना थांबून गंगुबाई आणि झुंड या चित्रपटातील तिच्या अभिनयाच्या प्रेमात पडल्याचे कबुल केले. तर या सिने सन्मानच्या निमित्ताने भेटलेल्या या दोन हरहुन्नरी अभिनेत्रींचा व्हिडिओ चांगलाच व्हायरल झाला आहे.

View this post on Instagram

A post shared by Vinay Raul (@raulvinayofficial)

 ‘झुलवा’ या नाटकातून छाया कदम यांनी अभिनय क्षेत्रात पदार्पण केले. त्यानंतर ‘फाट्याचं पाणी’, ‘विठ्ठल’, ‘दगडांच्या देशा’ आणि ‘हिजडा’ या लघुपटात त्या झळकल्या. लघुपटानंतर ‘फँड्री’, ‘सैराट’, ‘न्यूड’, ‘अंधाधून’, ‘बुधिया’, ‘सिंघम रिटर्न्स’, ‘बाई माणूस’, ‘हम्पी’, ‘रेडू’, ‘नाय वरनभात लोन्चा कोन नाय कोन्चा’, ‘सोयरीक’, ‘गंगुबाई काठियावाड़ी’ आणि ‘झुंड’ असा त्यांचा प्रवास सुरू झाला. त्यांनी साकारलेली प्रत्येक भूमिका ही वेगळी आहे आणि त्यांच्या कामाचे कौतुक होताना दिसते.